حَدَّثَنَا ابْنُ نُمَيْرٍ أَخْبَرَنَا سَعِيدٌ يَعْنِي ابْنَ سَعْدٍ قَالَ أَخْبَرَنِي أَنَسُ بْنُ مَالِكٍ قَالَبَعَثَنِي أَبُو طَلْحَةَ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ لِأَدْعُوَهُ وَقَدْ جَعَلَ لَهُ طَعَامًا فَأَقْبَلْتُ وَرَسُولُ اللَّهِ صَلَّى اللَّهُ عَلَيْهِ وَسَلَّمَ مَعَ النَّاسِ قَالَ فَنَظَرَ إِلَيَّ فَاسْتَحْيَيْتُ فَقُلْتُ أَجِبْ أَبَا طَلْحَةَ فَقَالَ لِلنَّاسِ قُومُوا فَقَالَ أَبُو طَلْحَةَ يَا رَسُولَ اللَّهِ إِنَّمَا صَنَعْتُ شَيْئًا لَكَ قَالَ فَمَسَّهَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَدَعَا فِيهَا بِالْبَرَكَةِ ثُمَّ قَالَ أَدْخِلْ نَفَرًا مِنْ أَصْحَابِي عَشَرَةً فَقَالَ كُلُوا فَأَكَلُوا حَتَّى شَبِعُوا وَخَرَجُوا وَقَالَ أَدْخِلْ عَشَرَةً فَأَكَلُوا حَتَّى شَبِعُوا فَمَا زَالَ يُدْخِلُ عَشَرَةً وَيُخْرِجُ عَشَرَةً حَتَّى لَمْ يَبْقَ مِنْهُمْ أَحَدٌ إِلَّا دَخَلَ فَأَكَلَ حَتَّى شَبِعَ ثُمَّ هَيَّأَهَا فَإِذَا هِيَ مِثْلُهَا حِينَ أَكَلُوا مِنْهَا
Anas ibn Molik (roziyallohu anhu)dan rivoyat qilinadi: Abu Talha meni Rasululloh ﷺ ni taklif qilishim uchun u zotning oldilariga yubordi va taom tayyorlagan edi. (Anas) dedi: Men keldim, Rasululloh ﷺ esa odamlar bilan birga edilar. U zot menga qaradilar, men uyaldim va: «Abu Talhaning (taklifini) qabul qiling», dedim. U zot odamlarga: «Turinglar», dedilar. Abu Talha: «Yo Rasululloh! Men Sizga ozgina narsa tayyorlagan edim», dedi. (Anas) dedi: Rasululloh ﷺ unga qoʻllarini tegizib, unda baraka tilab duo qildilar, soʻng: «Ashobimdan oʻn kishini kiritgil», dedilar va: «Yenglar», dedilar. Ular toʻyguncha yedilar, soʻng chiqdilar. U zot: «Oʻn kishini kirit», dedilar. Ular ham toʻyguncha yedilar. U zot oʻn kishini kiritib, oʻn kishini chiqarib turaverdilar, nihoyat ulardan hech kim qolmadiki, kirib, toʻyguncha yemagan boʻlsin. Soʻng u (taom)ni tayyorlab qoʻydilar, u esa ulardan yeyilgan paytdagidek turar edi.Анас ибн Молик (розияллоҳу анҳу)дан ривоят қилинади: Абу Талҳа мени Расулуллоҳ ﷺ ни таклиф қилишим учун у зотнинг олдиларига юборди ва таом тайёрлаган эди. (Анас) деди: Мен келдим, Расулуллоҳ ﷺ эса одамлар билан бирга эдилар. У зот менга қарадилар, мен уялдим ва: «Абу Талҳанинг (таклифини) қабул қилинг», дедим. У зот одамларга: «Туринглар», дедилар. Абу Талҳа: «Ё Расулуллоҳ! Мен Сизга озгина нарса тайёрлаган эдим», деди. (Анас) деди: Расулуллоҳ ﷺ унга қўлларини тегизиб, унда барака тилаб дуо қилдилар, сўнг: «Ашобимдан ўн кишини киритгил», дедилар ва: «Енглар», дедилар. Улар тўйгунча едилар, сўнг чиқдилар. У зот: «Ўн кишини кирит», дедилар. Улар ҳам тўйгунча едилар. У зот ўн кишини киритиб, ўн кишини чиқариб туравердилар, ниҳоят улардан ҳеч ким қолмадики, кириб, тўйгунча емаган бўлсин. Сўнг у (таом)ни тайёрлаб қўйдилар, у эса улардан ейилган пайтдагидек турар эди.