حَدَّثَنَا عَبْدُ الْوَهَّابِ حَدَّثَنَا سَعِيدُ بْنُ أَبِي عَرُوبَةَ عَنْ قَتَادَةَ عَنْ أَنَسِ بْنِ مَالِكٍأَنَّ النَّبِيَّ صَلَّى اللَّهُ عَلَيْهِ وَسَلَّمَ دَخَلَ نَخْلًا لِبَنِي النَّجَّارِ فَسَمِعَ صَوْتًا فَفَزِعَ فَقَالَ مَنْ أَصْحَابُ هَذِهِ الْقُبُورِ قَالُوا يَا نَبِيَّ اللَّهِ نَاسٌ مَاتُوا فِي الْجَاهِلِيَّةِ قَالَ تَعَوَّذُوا بِاللَّهِ مِنْ عَذَابِ الْقَبْرِ وَعَذَابِ النَّارِ وَفِتْنَةِ الدَّجَّالِ قَالُوا وَمَا ذَاكَ يَا رَسُولَ اللَّهِ قَالَ إِنَّ هَذِهِ الْأُمَّةَ تُبْتَلَى فِي قُبُورِهَا فَإِنَّ الْمُؤْمِنَ إِذَا وُضِعَ فِي قَبْرِهِ أَتَاهُ مَلَكٌ فَسَأَلَهُ مَا كُنْتَ تَعْبُدُ فَإِنْ اللَّهُ هَدَاهُ قَالَ كُنْتُ أَعْبُدُ اللَّهَ قَالَ فَيُقَالُ لَهُ مَا كُنْتَ تَقُولُ فِي هَذَا الرَّجُلِ قَالَ فَيَقُولُ هُوَ عَبْدُ اللَّهِ وَرَسُولُهُ قَالَ فَمَا يُسْأَلُ عَنْ شَيْءٍ بَعْدَهَا قَالَ فَيُنْطَلَقُ بِهِ إِلَى بَيْتٍ كَانَ لَهُ فِي النَّارِ فَيُقَالُ هَذَا بَيْتُكَ كَانَ فِي النَّارِ وَلَكِنَّ اللَّهَ عَصَمَكَ وَرَحِمَكَ فَأَبْدَلَكَ بِهِ بَيْتًا فِي الْجَنَّةِ فَيَقُولُ دَعُونِي حَتَّى أَذْهَبَ فَأُبَشِّرَ أَهْلِي فَيُقَالُ لَهُ اسْكُنْ وَإِنَّ الْكَافِرَ إِذَا وُضِعَ فِي قَبْرِهِ أَتَاهُ مَلَكٌ فَيَقُولُ لَهُ مَا كُنْتَ تَقُولُ فِي هَذَا الرَّجُلِ فَيَقُولُ كُنْتُ أَقُولُ مَا يَقُولُ النَّاسُ فَيَضْرِبُهُ بِمِطْرَاقٍ مِنْ حَدِيدٍ بَيْنَ أُذُنَيْهِ فَيَصِيحُ صَيْحَةً يَسْمَعُهُ الْخَلْقُ غَيْرَ الثَّقَلَيْنِ
Anas ibn Molik (roziyallohu anhu)dan rivoyat qilinadi: Allohning Nabiysi ﷺ Banu Najjorning xurmozoriga kirdilar-da, bir ovoz eshitib choʻchidilar va: «Bu qabrlarning egalari kimlar?» dedilar. Ular: «Ey Allohning Nabiysi, johiliyat davrida vafot etgan kishilar», dedilar. Shunda u zot: «Qabr azobidan, doʻzax azobidan va Dajjol fitnasidan Allohdan panoh tilanglar», dedilar. Ular: «Bu nima, ey Allohning Rasuli?» dedilar. U zot dedilar: «Albatta, bu ummat oʻz qabrlarida imtihon qilinadi. Moʻmin oʻz qabriga qoʻyilganida, oldiga bir farishta kelib undan: ‹Sen nimaga ibodat qilar eding?› deb soʻraydi. Bas, Alloh uni hidoyat qilsa, u: ‹Men Allohga ibodat qilar edim›, deydi. Soʻng unga: ‹Bu kishi haqida nima der eding?› deyiladi. U: ‹U Allohning bandasi va Rasulidir›, deydi. Bas, undan bundan keyin hech narsa soʻralmaydi. Soʻng u doʻzaxda oʻzi uchun (tayyorlangan) bir uyga olib boriladi va unga: ‹Bu sening doʻzaxdagi uying edi, lekin Alloh seni saqladi va senga rahm qildi, uning oʻrniga senga jannatdan bir uy berdi›, deyiladi. U: ‹Meni qoʻyib yuboringlar, borib ahlimga xushxabar beray›, deydi. Unga: ‹Joyingda qol›, deyiladi. Kofir esa oʻz qabriga qoʻyilganida, oldiga bir farishta kelib unga: ‹Bu kishi haqida nima der eding?› deydi. U: ‹Men odamlar aytganini aytar edim›, deydi. Shunda (farishta) uni temir bolgʻa bilan ikki qulogʻining orasidan uradi, u shunday qichqiriqni qichqiradiki, uni ins va jindan boshqa barcha jonzot eshitadi.»Анас ибн Молик (розияллоҳу анҳу)дан ривоят қилинади: Аллоҳнинг Набийси ﷺ Бану Нажжорнинг хурмозорига кирдилар-да, бир овоз эшитиб чўчидилар ва: «Бу қабрларнинг эгалари кимлар?» дедилар. Улар: «Эй Аллоҳнинг Набийси, жоҳилият даврида вафот этган кишилар», дедилар. Шунда у зот: «Қабр азобидан, дўзах азобидан ва Дажжол фитнасидан Аллоҳдан паноҳ тиланглар», дедилар. Улар: «Бу нима, эй Аллоҳнинг Расули?» дедилар. У зот дедилар: «Албатта, бу уммат ўз қабрларида имтиҳон қилинади. Мўмин ўз қабрига қўйилганида, олдига бир фаришта келиб ундан: ‹Сен нимага ибодат қилар эдинг?› деб сўрайди. Бас, Аллоҳ уни ҳидоят қилса, у: ‹Мен Аллоҳга ибодат қилар эдим›, дейди. Сўнг унга: ‹Бу киши ҳақида нима дер эдинг?› дейилади. У: ‹У Аллоҳнинг бандаси ва Расулидир›, дейди. Бас, ундан бундан кейин ҳеч нарса сўралмайди. Сўнг у дўзахда ўзи учун (тайёрланган) бир уйга олиб борилади ва унга: ‹Бу сенинг дўзахдаги уйинг эди, лекин Аллоҳ сени сақлади ва сенга раҳм қилди, унинг ўрнига сенга жаннатдан бир уй берди›, дейилади. У: ‹Мени қўйиб юборинглар, бориб аҳлимга хушхабар берай›, дейди. Унга: ‹Жойингда қол›, дейилади. Кофир эса ўз қабрига қўйилганида, олдига бир фаришта келиб унга: ‹Бу киши ҳақида нима дер эдинг?› дейди. У: ‹Мен одамлар айтганини айтар эдим›, дейди. Шунда (фаришта) уни темир болға билан икки қулоғининг орасидан уради, у шундай қичқириқни қичқирадики, уни инс ва жиндан бошқа барча жонзот эшитади.»