Anas ibn Molik (roziyallohu anhu)dan rivoyat qilinadiki, yomgʻir farishtasi Nabiy ﷺning huzurlariga kelishga Robbidan izn soʻradi va Robbi unga izn berdi. Shunda u zot Ummu Salamaga: «Bizga eshikni tutib tur, oldimizga hech kim kirmasin», dedilar. (Roviy) dedi: Husayn kirmoqchi boʻlib keldi, u toʻsdi; ammo u sakrab kirib oldi va Nabiy ﷺning yelkalariga, kiftlariga va boʻyinlariga chiqib oʻtira boshladi. (Roviy) dedi: Shunda farishta Nabiy ﷺga: «Uni sevasizmi?» dedi. U zot: «Ha», dedilar. U: «Bilingki, ummatingiz uni oʻldiradi; agar xohlasangiz, u oʻldiriladigan joyni sizga koʻrsataman», dedi va qoʻli bilan urib, bir qizil tuproq keltirdi. Ummu Salama uni olib, roʻmoliga tugib qoʻydi. (Roviy) dedi: Sobit aytdi: Bizga u — Karbalo (tuprogʻi) ekani yetib bordi.Анас ибн Молик (розияллоҳу анҳу)дан ривоят қилинадики, ёмғир фариштаси Набий ﷺнинг ҳузурларига келишга Роббидан изн сўради ва Робби унга изн берди. Шунда у зот Умму Саламага: «Бизга эшикни тутиб тур, олдимизга ҳеч ким кирмасин», дедилар. (Ровий) деди: Ҳусайн кирмоқчи бўлиб келди, у тўсди; аммо у сакраб кириб олди ва Набий ﷺнинг елкаларига, кифтларига ва бўйинларига чиқиб ўтира бошлади. (Ровий) деди: Шунда фаришта Набий ﷺга: «Уни севасизми?» деди. У зот: «Ҳа», дедилар. У: «Билингки, умматингиз уни ўлдиради; агар хоҳласангиз, у ўлдириладиган жойни сизга кўрсатаман», деди ва қўли билан уриб, бир қизил тупроқ келтирди. Умму Салама уни олиб, рўмолига тугиб қўйди. (Ровий) деди: Собит айтди: Бизга у — Карбало (тупроғи) экани етиб борди.