Anas ibn Molik (roziyallohu anhu)dan rivoyat qilinadi: Riʼl, Usayya, Zakvon va Banu Lahyon Nabiy ﷺ ning huzurlariga kelib, islomga kirganlarini xabar qildilar va oʻz qavmlariga qarshi yordam soʻradilar. Bas, Rasululloh ﷺ ularga ansorlardan yetmish kishini yordamga qoʻshdilar. (Anas) dedi: Biz ularni oʻz zamonlarida qorilar deb atardik; ular kunduzi oʻtin terar, kechasi namoz oʻqir edilar. Biʼri Maʼunaga yetganlarida (oʻsha qavm) ularga xiyonat qilib, ularni oʻldirdilar. Shunda Nabiy ﷺ bir oy qunut oʻqib, mana shu qabilalarga — Usayya, Riʼl, Zakvon va Banu Lahyonga — qarshi duo qildilar. Anas bizga aytdi: Biz ular haqida (nozil boʻlgan) Qurʼon (oyati)ni oʻqir edik: «Qavmimizga bizdan yetkazinglarki, biz Robbimiz azza va jallaga yoʻliqdik, U bizdan rozi boʻldi va bizni ham rozi qildi». Soʻng u mansux qilindi — yoki koʻtarildi.Анас ибн Молик (розияллоҳу анҳу)дан ривоят қилинади: Риъл, Усайя, Заквон ва Бану Лаҳён Набий ﷺ нинг ҳузурларига келиб, исломга кирганларини хабар қилдилар ва ўз қавмларига қарши ёрдам сўрадилар. Бас, Расулуллоҳ ﷺ уларга ансорлардан етмиш кишини ёрдамга қўшдилар. (Анас) деди: Биз уларни ўз замонларида қорилар деб атардик; улар кундузи ўтин терар, кечаси намоз ўқир эдилар. Биъри Маъунага етганларида (ўша қавм) уларга хиёнат қилиб, уларни ўлдирдилар. Шунда Набий ﷺ бир ой қунут ўқиб, мана шу қабилаларга — Усайя, Риъл, Заквон ва Бану Лаҳёнга — қарши дуо қилдилар. Анас бизга айтди: Биз улар ҳақида (нозил бўлган) Қуръон (ояти)ни ўқир эдик: «Қавмимизга биздан етказингларки, биз Роббимиз азза ва жаллага йўлиқдик, У биздан рози бўлди ва бизни ҳам рози қилди». Сўнг у мансух қилинди — ёки кўтарилди.