Abu Rimsa (roziyallohu anhu) aytdi: Men Rasululloh ﷺning huzurlariga keldim, u zotning oldilarida Rabiʼadan boʻlgan bir necha kishi qasddan (toʻkilgan) qon haqida tortishayotgan edi. Men u zotning: «Onangga, otangga, opa-singlingga, akangga, soʻng eng yaqiningga, eng yaqiningga (bergin)», deyayotganlarini eshitdim. Soʻng (u zot) qarab: «Ey Abu Rimsa, sen bilan birga boʻlgan bu kim?» dedilar. Men: «Oʻgʻlim», dedim. U zot: «Ogʻoh boʻlki, u sening jinoyating uchun, sen esa uning jinoyati uchun javobgar boʻlmaysan», dedilar. (Abu Rimsa) aytdi: Soʻng men qarasam, u zotning kuraklari orasida tuya qumalogʻidek yoki kaptar tuxumidek (bir shish) bor ekan. Men: «Yo Rasululloh, uni sizga davolab qoʻymaymi? Biz tabiblik qiladigan xonadon ahlimiz», dedim. U zot: «Uni qoʻygan Zot uni davolaydi», dedilar.Абу Римса (розияллоҳу анҳу) айтди: Мен Расулуллоҳ ﷺнинг ҳузурларига келдим, у зотнинг олдиларида Рабиъадан бўлган бир неча киши қасддан (тўкилган) қон ҳақида тортишаётган эди. Мен у зотнинг: «Онангга, отангга, опа-синглингга, акангга, сўнг энг яқинингга, энг яқинингга (бергин)», деяётганларини эшитдим. Сўнг (у зот) қараб: «Эй Абу Римса, сен билан бирга бўлган бу ким?» дедилар. Мен: «Ўғлим», дедим. У зот: «Оғоҳ бўлки, у сенинг жиноятинг учун, сен эса унинг жинояти учун жавобгар бўлмайсан», дедилар. (Абу Римса) айтди: Сўнг мен қарасам, у зотнинг кураклари орасида туя қумалоғидек ёки каптар тухумидек (бир шиш) бор экан. Мен: «Ё Расулуллоҳ, уни сизга даволаб қўймайми? Биз табиблик қиладиган хонадон аҳлимиз», дедим. У зот: «Уни қўйган Зот уни даволайди», дедилар.