Abu Rimsa (roziyallohu anhu) aytdi: Men va otam Rasululloh ﷺ tomon yoʻlga chiqdik. Yoʻlning bir yerida u zotga duch keldik. Otam menga: «Ey oʻgʻilcham, bu — Rasululloh ﷺdir», dedi. Men Rasululloh ﷺ odamlarga oʻxshamaydi deb hisoblar edim; birdan (koʻrsam), u zot yelkasiga tushgan sochli, sochlarida xina izi boʻlgan, egnilarida ikki yashil burd bor bir kishi ekanlar. (Abu Rimsa) aytdi: Goʻyo men hozir ham u zotning boldirlariga qarab turgandekman. Soʻng u zot otamga: «Sen bilan birga boʻlgan bu kim?» dedilar. (Otam): «Bu — Allohga qasamki, oʻgʻlim», dedi. Shunda Rasululloh ﷺ otamning men haqimda qasam ichganidan kuldilar, soʻng: «Rost aytding. Ogʻoh boʻlki, sen uning jinoyati uchun, u esa sening jinoyating uchun javobgar boʻlmaysan», dedilar. Va Rasululloh ﷺ: {Bironta gunohkor jon boshqasining gunohini koʻtarmaydi} (Anʼom 164) (oyatini) tilovat qildilar.Абу Римса (розияллоҳу анҳу) айтди: Мен ва отам Расулуллоҳ ﷺ томон йўлга чиқдик. Йўлнинг бир ерида у зотга дуч келдик. Отам менга: «Эй ўғилчам, бу — Расулуллоҳ ﷺдир», деди. Мен Расулуллоҳ ﷺ одамларга ўхшамайди деб ҳисоблар эдим; бирдан (кўрсам), у зот елкасига тушган сочли, сочларида хина изи бўлган, эгниларида икки яшил бурд бор бир киши эканлар. (Абу Римса) айтди: Гўё мен ҳозир ҳам у зотнинг болдирларига қараб тургандекман. Сўнг у зот отамга: «Сен билан бирга бўлган бу ким?» дедилар. (Отам): «Бу — Аллоҳга қасамки, ўғлим», деди. Шунда Расулуллоҳ ﷺ отамнинг мен ҳақимда қасам ичганидан кулдилар, сўнг: «Рост айтдинг. Оғоҳ бўлки, сен унинг жинояти учун, у эса сенинг жиноятинг учун жавобгар бўлмайсан», дедилар. Ва Расулуллоҳ ﷺ: {Биронта гуноҳкор жон бошқасининг гуноҳини кўтармайди} (Анъом 164) (оятини) тиловат қилдилар.