Abu Rimsa (roziyallohu anhu) aytdi: Men Madinaga keldim, (oʻshanda) Rasululloh ﷺni hali koʻrmagan edim. U zot egnilarida ikki yashil kiyim bilan chiqdilar. Men oʻgʻlimga: «Bu — Allohga qasamki, Rasululloh ﷺdir», dedim. Shunda oʻgʻlim Rasululloh ﷺdan hayiqqanidan qaltiray boshladi. Men: «Yo Rasululloh, men tabib kishiman, otam ham tabib edi, biz tabiblik qiladigan xonadon ahlimiz. Allohga qasamki, badandagi biror tomir ham, suyak ham bizdan yashirin emas. Yelkangizdagi mana bu (narsa)ni menga koʻrsating: agar u shish boʻlsa, uni kesib, soʻng davolayman», dedim. U zot: «Yoʻq, uning tabibi — Allohdir», dedilar. Soʻng: «Sen bilan birga boʻlgan bu kim?» dedilar. Men: «Kaʼbaning Rabbiga qasamki, oʻgʻlim», dedim. U zot: «Oʻgʻlingmi?» dedilar. Men: «Bunga guvohlik beraman», dedim. U zot: «Mana shu oʻgʻling sening jinoyating uchun, sen esa uning jinoyati uchun javobgar boʻlmaysan», dedilar.Абу Римса (розияллоҳу анҳу) айтди: Мен Мадинага келдим, (ўшанда) Расулуллоҳ ﷺни ҳали кўрмаган эдим. У зот эгниларида икки яшил кийим билан чиқдилар. Мен ўғлимга: «Бу — Аллоҳга қасамки, Расулуллоҳ ﷺдир», дедим. Шунда ўғлим Расулуллоҳ ﷺдан ҳайиққанидан қалтирай бошлади. Мен: «Ё Расулуллоҳ, мен табиб кишиман, отам ҳам табиб эди, биз табиблик қиладиган хонадон аҳлимиз. Аллоҳга қасамки, бадандаги бирор томир ҳам, суяк ҳам биздан яширин эмас. Елкангиздаги мана бу (нарса)ни менга кўрсатинг: агар у шиш бўлса, уни кесиб, сўнг даволайман», дедим. У зот: «Йўқ, унинг табиби — Аллоҳдир», дедилар. Сўнг: «Сен билан бирга бўлган бу ким?» дедилар. Мен: «Каъбанинг Раббига қасамки, ўғлим», дедим. У зот: «Ўғлингми?» дедилар. Мен: «Бунга гувоҳлик бераман», дедим. У зот: «Мана шу ўғлинг сенинг жиноятинг учун, сен эса унинг жинояти учун жавобгар бўлмайсан», дедилар.