Jobir (roziyallohu anhu)dan rivoyat qilinadi: Rasululloh ﷺ Hijrdan oʻtganlarida: «Oyat (moʻjiza)larni soʻramanglar. Solihning qavmi ularni soʻragan edi. Bas, (tuya) mana bu daradan kelib, mana bu daradan chiqar edi. Ular Robbilarining amridan bosh tortib, uni soʻyib yubordilar. U bir kun ularning suvini ichar, ular bir kun uning sutini ichar edilar. Ular uni soʻyishgach, ularni (halokatli) qichqiriq tutdi. Alloh azza va jalla osmon gumbazi ostidagi ularning barchasini halok qildi, faqat bir kishidan boshqa — u Alloh azza va jallaning Haramida edi», dedilar. «Ey Allohning Rasuli, u kim?» deyildi. U zot: «U Abu Rigʻoldir. Haramdan chiqqanida, qavmiga yetgan (azob) unga ham yetdi», dedilar.Жобир (розияллоҳу анҳу)дан ривоят қилинади: Расулуллоҳ ﷺ Ҳижрдан ўтганларида: «Оят (мўжиза)ларни сўраманглар. Солиҳнинг қавми уларни сўраган эди. Бас, (туя) мана бу дарадан келиб, мана бу дарадан чиқар эди. Улар Роббиларининг амридан бош тортиб, уни сўйиб юбордилар. У бир кун уларнинг сувини ичар, улар бир кун унинг сутини ичар эдилар. Улар уни сўйишгач, уларни (ҳалокатли) қичқириқ тутди. Аллоҳ азза ва жалла осмон гумбази остидаги уларнинг барчасини ҳалок қилди, фақат бир кишидан бошқа — у Аллоҳ азза ва жалланинг Ҳарамида эди», дедилар. «Эй Аллоҳнинг Расули, у ким?» дейилди. У зот: «У Абу Риғолдир. Ҳарамдан чиққанида, қавмига етган (азоб) унга ҳам етди», дедилар.