حَدَّثَنَا حَجَّاجٌ وَرَوْحٌ عَنِ ابْنِ جُرَيْجٍ أَخْبَرَنِي أَبُو الزُّبَيْرِ أَنَّهُ سَمِعَ جَابِرًا يَقُولُقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا تَمْشِ فِي نَعْلٍ وَاحِدَةٍ وَلَا تَحْتَبِيَنَّ فِي إِزَارٍ وَاحِدٍ وَلَا تَأْكُلْ بِشِمَالِكَ وَلَا تَشْتَمِلْ الصَّمَّاءَ وَلَا تَضَعْ إِحْدَى رِجْلَيْكَ عَلَى الْأُخْرَى إِذَا اسْتَلْقَيْتَقُلْتُ لِأَبِي الزُّبَيْرِ أَوَضْعُهُ رِجْلَهُ عَلَى الرُّكْبَةِ مُسْتَلْقِيًا قَالَ نَعَمْ قَالَ أَمَّا الصَّمَّاءُ فَهِيَ إِحْدَى اللِّبْسَتَيْنِ تَجْعَلُ دَاخِلَةَ إِزَارِكَ وَخَارِجَتَهُ عَلَى إِحْدَى عَاتِقَيْكَ قُلْتُ لِأَبِي الزُّبَيْرِ فَإِنَّهُمْ يَقُولُونَ لَا يَحْتَبِي فِي إِزَارٍ وَاحِدٍ مُفْضِيًا قَالَ كَذَلِكَ سَمِعْتُ جَابِرًا يَقُولُ لَا يَحْتَبِي فِي إِزَارٍ وَاحِدٍ قَالَ حَجَّاجٌ عَنِ ابْنِ جُرَيْجٍ قَالَ عَمْرٌو لِي مُفْضِيًا
Jobir (roziyallohu anhu)dan rivoyat qilinadi: Rasululloh ﷺ: «Yakka oyoq kiyimda yurma, bir izorda tizzangni quchoqlab oʻtirma, chap qoʻling bilan yema, sammoʻ tarzida oʻralma va chalqancha yotganingda bir oyogʻingni ikkinchisining ustiga qoʻyma», dedilar. Men Abuz-Zubayrga: «Chalqancha yotib, oyogʻini tizzasi ustiga qoʻyishimi?» dedim. U: «Ha», dedi. U aytdi: Sammoʻga kelsak, u ikki (xil) kiyinishning biri boʻlib, izoringning ichki va tashqi tomonini bitta yelkang ustiga qilishingdir. Men Abuz-Zubayrga: «Ular: ‹Avrati ochiq holda bir izorda tizzasini quchoqlab oʻtirmasin›, deyishadi», dedim. U: «Men Jobirning: ‹Bir izorda tizzasini quchoqlab oʻtirmasin›, deganini shunday eshitganman», dedi. Hajjoj Ibn Jurayjdan (rivoyat qilib): Amr menga: «Avrati ochiq holda», dedi, dedi.Жобир (розияллоҳу анҳу)дан ривоят қилинади: Расулуллоҳ ﷺ: «Якка оёқ кийимда юрма, бир изорда тиззангни қучоқлаб ўтирма, чап қўлинг билан ема, саммў тарзида ўралма ва чалқанча ётганингда бир оёғингни иккинчисининг устига қўйма», дедилар. Мен Абуз-Зубайрга: «Чалқанча ётиб, оёғини тиззаси устига қўйишими?» дедим. У: «Ҳа», деди. У айтди: Саммўга келсак, у икки (хил) кийинишнинг бири бўлиб, изорингнинг ички ва ташқи томонини битта елканг устига қилишингдир. Мен Абуз-Зубайрга: «Улар: ‹Аврати очиқ ҳолда бир изорда тиззасини қучоқлаб ўтирмасин›, дейишади», дедим. У: «Мен Жобирнинг: ‹Бир изорда тиззасини қучоқлаб ўтирмасин›, деганини шундай эшитганман», деди. Ҳажжож Ибн Журайждан (ривоят қилиб): Амр менга: «Аврати очиқ ҳолда», деди, деди.