Jobir ibn Abdulloh (roziyallohu anhumo) aytdi: Men oʻz tuyamda yurar edim, u charchab qoldi va men uni (boʻsh) qoʻyib yubormoqchi boʻldim. Shunda Rasululloh ﷺ menga yetib keldilar, uni oyoqlari bilan turtdilar va unga duo qildilar. Bas, u misli koʻrilmagan tarzda yurdi. U zot: «Uni menga bir uqiyaga sotgin», dedilar. Men uni sotishni yoqtirmadim. U zot: «Uni menga sot», dedilar. Shunday qilib, men uni u zotga sotdim va ahlim oldiga yetguncha uni minib borishni shart qilib oldim. Biz (Madinaga) kelganimizda, men u zotga tuyani olib keldim. Shunda u zot: «Sen bilan savdolashganimda, tuyangni olib qoʻyaman deb oʻyladingmi? Tuyangni ham, narxini ham ol, ikkovi ham seniki», dedilar. Boshqa rivoyatda Jobir tuyada yurgani zikr qilinib, shu maʼno keltirilgan va unda: «Ahlim oldiga yetguncha uni minib borishni istisno qilib oldim», deyilgan.Жобир ибн Абдуллоҳ (розияллоҳу анҳумо) айтди: Мен ўз туямда юрар эдим, у чарчаб қолди ва мен уни (бўш) қўйиб юбормоқчи бўлдим. Шунда Расулуллоҳ ﷺ менга етиб келдилар, уни оёқлари билан туртдилар ва унга дуо қилдилар. Бас, у мисли кўрилмаган тарзда юрди. У зот: «Уни менга бир уқияга сотгин», дедилар. Мен уни сотишни ёқтирмадим. У зот: «Уни менга сот», дедилар. Шундай қилиб, мен уни у зотга сотдим ва аҳлим олдига етгунча уни миниб боришни шарт қилиб олдим. Биз (Мадинага) келганимизда, мен у зотга туяни олиб келдим. Шунда у зот: «Сен билан савдолашганимда, туянгни олиб қўяман деб ўйладингми? Туянгни ҳам, нархини ҳам ол, иккови ҳам сеники», дедилар. Бошқа ривоятда Жобир туяда юргани зикр қилиниб, шу маъно келтирилган ва унда: «Аҳлим олдига етгунча уни миниб боришни истисно қилиб олдим», дейилган.