Jobir (roziyallohu anhu) aytdi: Men Nabiy ﷺ huzurlariga otamning zimmasidagi qarz borasida yordam soʻrab keldim. U zot: «Sizlarnikiga boraman», dedilar. Men qaytib kelib, ayolimga: «Rasululloh ﷺ bilan gaplashma va u zotdan hech narsa soʻrama», dedim. U zot biznikiga keldilar, biz u zot uchun uydagi bir qoʻyni soʻydik. Shunda u zot: «Ey Jobir, goʻyo sizlar bizning goʻshtni yaxshi koʻrishimizni bilgandeksizlar», dedilar. U zot chiqayotganlarida ayol u zotga: «Menga va erimga duo qiling» — yoki: «Bizga duo qiling», dedi. U zot: «Allohim, ularga rahmat ayla», dedilar. Men unga: «Seni qaytarmaganmidim?» dedim. U: «Rasululloh ﷺ bizning oldimizga kirib, bizga duo qilmasdan ketadilar deb oʻylaysanmi?» dedi.Жобир (розияллоҳу анҳу) айтди: Мен Набий ﷺ ҳузурларига отамнинг зиммасидаги қарз борасида ёрдам сўраб келдим. У зот: «Сизларникига бораман», дедилар. Мен қайтиб келиб, аёлимга: «Расулуллоҳ ﷺ билан гаплашма ва у зотдан ҳеч нарса сўрама», дедим. У зот бизникига келдилар, биз у зот учун уйдаги бир қўйни сўйдик. Шунда у зот: «Эй Жобир, гўё сизлар бизнинг гўштни яхши кўришимизни билгандексизлар», дедилар. У зот чиқаётганларида аёл у зотга: «Менга ва эримга дуо қилинг» — ёки: «Бизга дуо қилинг», деди. У зот: «Аллоҳим, уларга раҳмат айла», дедилар. Мен унга: «Сени қайтармаганмидим?» дедим. У: «Расулуллоҳ ﷺ бизнинг олдимизга кириб, бизга дуо қилмасдан кетадилар деб ўйлайсанми?» деди.