Jobir ibn Abdulloh (roziyallohu anhumo)dan rivoyat qilinadi: Men Rasululloh ﷺning shunday deyayotganlarini eshitdim: «Kechasi itlarning akillashini va eshaklarning hangrashini eshitsangiz, Allohga panoh soʻranglar, chunki ular sizlar koʻrmaydigan narsani koʻradi. Odamlar (harakati) tinchiganda tashqariga kam chiqinglar, zero aziz va jalil Alloh oʻz kechasida maxluqotidan xohlagan narsasini tarqatadi. Eshiklarni yopinglar va ularga Allohning ismini zikr qilinglar, chunki eshik yopilib, unga Allohning ismi zikr qilinsa, shayton uni ocha olmaydi. Meshlarning ogʻzini bogʻlanglar, koʻzalarni yopinglar va idishlarni agʻdarib qoʻyinglar». Yazid (oʻz rivoyatida): «Meshlarning ogʻzini bogʻlanglar», dedi.Жобир ибн Абдуллоҳ (розияллоҳу анҳумо)дан ривоят қилинади: Мен Расулуллоҳ ﷺнинг шундай деяётганларини эшитдим: «Кечаси итларнинг акиллашини ва эшакларнинг ҳанграшини эшитсангиз, Аллоҳга паноҳ сўранглар, чунки улар сизлар кўрмайдиган нарсани кўради. Одамлар (ҳаракати) тинчиганда ташқарига кам чиқинглар, зеро азиз ва жалил Аллоҳ ўз кечасида махлуқотидан хоҳлаган нарсасини тарқатади. Эшикларни ёпинглар ва уларга Аллоҳнинг исмини зикр қилинглар, чунки эшик ёпилиб, унга Аллоҳнинг исми зикр қилинса, шайтон уни оча олмайди. Мешларнинг оғзини боғланглар, кўзаларни ёпинглар ва идишларни ағдариб қўйинглар». Язид (ўз ривоятида): «Мешларнинг оғзини боғланглар», деди.