Jobir ibn Abdulloh (roziyallohu anhumo)dan rivoyat qilinadiki, Nabiy ﷺ Kaʼb ibn Ujraga: «Alloh seni ahmoqlarning amirligidan asrasin», dedilar. U: «Ahmoqlarning amirligi nima?» dedi. U zot dedilar: «Mendan keyin shunday amirlar boʻladiki, mening yoʻlimga ergashmaydilar va mening sunnatimni tutmaydilar. Kim ularning yolgʻonini tasdiqlasa va ularga zulmlarida yordam bersa, ana oʻshalar mendan emas, men ham ulardan emasman va ular mening Havzimga kelmaydilar. Kim ularning yolgʻonini tasdiqlamasa va ularga zulmlarida yordam bermasa, ana oʻshalar mendandir, men ham ulardanman va ular Havzimga keladilar. Ey Kaʼb ibn Ujra, roʻza — qalqondir, sadaqa — xatoni oʻchiradi, namoz esa — qurbatdir», yoki: «burhondir», dedilar. «Ey Kaʼb ibn Ujra, albatta, haromdan oʻsgan goʻsht jannatga kirmaydi, doʻzax unga loyiqroqdir. Ey Kaʼb ibn Ujra, odamlar ikki xil boʻlib ertalab chiqadi: biri oʻz nafsini sotib olib, uni ozod qiladi; biri esa oʻz nafsini sotib, uni halok qiladi».Жобир ибн Абдуллоҳ (розияллоҳу анҳумо)дан ривоят қилинадики, Набий ﷺ Каъб ибн Ужрага: «Аллоҳ сени аҳмоқларнинг амирлигидан асрасин», дедилар. У: «Аҳмоқларнинг амирлиги нима?» деди. У зот дедилар: «Мендан кейин шундай амирлар бўладики, менинг йўлимга эргашмайдилар ва менинг суннатимни тутмайдилар. Ким уларнинг ёлғонини тасдиқласа ва уларга зулмларида ёрдам берса, ана ўшалар мендан эмас, мен ҳам улардан эмасман ва улар менинг Ҳавзимга келмайдилар. Ким уларнинг ёлғонини тасдиқламаса ва уларга зулмларида ёрдам бермаса, ана ўшалар мендандир, мен ҳам уларданман ва улар Ҳавзимга келадилар. Эй Каъб ибн Ужра, рўза — қалқондир, садақа — хатони ўчиради, намоз эса — қурбатдир», ёки: «бурҳондир», дедилар. «Эй Каъб ибн Ужра, албатта, ҳаромдан ўсган гўшт жаннатга кирмайди, дўзах унга лойиқроқдир. Эй Каъб ибн Ужра, одамлар икки хил бўлиб эрталаб чиқади: бири ўз нафсини сотиб олиб, уни озод қилади; бири эса ўз нафсини сотиб, уни ҳалок қилади».