Usmon (roziyallohu anhu) uyida qamalda qolgan payti biz u zot bilan birga edik. U zot bir joyga kirdilar, u yerga kirsalar, gaplari tosh yotqizilgan maydondagilarga eshitilardi. U zot oʻsha joyga kirib, soʻng bizning oldimizga chiqdilar va: «Ular hozirgina meni oʻldirish bilan qoʻrqitishmoqda», dedilar. Biz: «Alloh ularning yovuzligidan sizni saqlaydi, ey amirul moʻʼminin», dedik. U zot: «Ular meni nima uchun oʻldirishadi? Men Rasululloh ﷺning: ‹Musulmon kishining qoni faqat uch narsaning biri bilangina halol boʻladi: musulmon boʻlgach kufr keltirgan kishi, yohud oilali boʻla turib zino qilgan kishi, yohud bir jonni oʻldirib, uning evaziga oʻldirilgan kishi›, deganlarini eshitganman. Alloh meni hidoyat qilganidan buyon dinimni boshqa narsaga almashtirishni hech xohlamaganman, na johiliyatda, na islomda hech qachon zino qilmaganman va hech bir jonni oʻldirmaganman. Bas, ular meni nima uchun oʻldirishadi?!» dedilar.Усмон (розияллоҳу анҳу) уйида қамалда қолган пайти биз у зот билан бирга эдик. У зот бир жойга кирдилар, у ерга кирсалар, гаплари тош ётқизилган майдондагиларга эшитиларди. У зот ўша жойга кириб, сўнг бизнинг олдимизга чиқдилар ва: «Улар ҳозиргина мени ўлдириш билан қўрқитишмоқда», дедилар. Биз: «Аллоҳ уларнинг ёвузлигидан сизни сақлайди, эй амирул мўъминин», дедик. У зот: «Улар мени нима учун ўлдиришади? Мен Расулуллоҳ ﷺнинг: ‹Мусулмон кишининг қони фақат уч нарсанинг бири билангина ҳалол бўлади: мусулмон бўлгач куфр келтирган киши, ёҳуд оилали бўла туриб зино қилган киши, ёҳуд бир жонни ўлдириб, унинг эвазига ўлдирилган киши›, деганларини эшитганман. Аллоҳ мени ҳидоят қилганидан буён динимни бошқа нарсага алмаштиришни ҳеч хоҳламаганман, на жоҳилиятда, на исломда ҳеч қачон зино қилмаганман ва ҳеч бир жонни ўлдирмаганман. Бас, улар мени нима учун ўлдиришади?!» дедилар.