Nabiy ﷺ bilan birga Xaybarda hozir boʻlganlardan biri rivoyat qiladi: Rasululloh ﷺ oʻzlari bilan birga boʻlgan bir kishi haqida: «Albatta, bu doʻzax ahlidandir», dedilar. Jang boshlanganda, oʻsha kishi nihoyatda qattiq jang qildi va unga koʻp jarohat yetdi. Shunda Nabiy ﷺning sahobalaridan baʼzi kishilar kelib: «Yo Rasululloh, siz doʻzax ahlidan degan oʻsha kishi haqida nima deysiz? Vallohi, u Alloh yoʻlida nihoyatda qattiq jang qildi va unga koʻp jarohat yetdi», dedilar. Rasululloh ﷺ: «Ammo u doʻzax ahlidandir», dedilar. Baʼzi kishilar shubhaga tushay deb qoldilar. Ular shu holatda turganlarida, oʻsha kishi jarohatlarning ogʻrigʻini sezdi-da, qoʻlini sadogʻiga uzatib, undan bir oʻq sugʻurdi va u bilan oʻzini oʻldirdi. Shunda musulmonlardan bir kishi Rasululloh ﷺ tomon shoshilib kelib: «Ey Allohning Nabiysi, Alloh sizning soʻzingizni rost qildi; falonchi oʻzini tilib, joniga qasd qildi», dedi.Набий ﷺ билан бирга Хайбарда ҳозир бўлганлардан бири ривоят қилади: Расулуллоҳ ﷺ ўзлари билан бирга бўлган бир киши ҳақида: «Албатта, бу дўзах аҳлидандир», дедилар. Жанг бошланганда, ўша киши ниҳоятда қаттиқ жанг қилди ва унга кўп жароҳат етди. Шунда Набий ﷺнинг саҳобаларидан баъзи кишилар келиб: «Ё Расулуллоҳ, сиз дўзах аҳлидан деган ўша киши ҳақида нима дейсиз? Валлоҳи, у Аллоҳ йўлида ниҳоятда қаттиқ жанг қилди ва унга кўп жароҳат етди», дедилар. Расулуллоҳ ﷺ: «Аммо у дўзах аҳлидандир», дедилар. Баъзи кишилар шубҳага тушай деб қолдилар. Улар шу ҳолатда турганларида, ўша киши жароҳатларнинг оғриғини сезди-да, қўлини садоғига узатиб, ундан бир ўқ суғурди ва у билан ўзини ўлдирди. Шунда мусулмонлардан бир киши Расулуллоҳ ﷺ томон шошилиб келиб: «Эй Аллоҳнинг Набийси, Аллоҳ сизнинг сўзингизни рост қилди; фалончи ўзини тилиб, жонига қасд қилди», деди.