حَدَّثَنَا عَبْدُ الرَّحْمَنِ بْنُ مَهْدِيٍّ عَنْ مُعَاوِيَةَ يَعْنِي ابْنَ صَالِحٍ عَنْ عَمْرِو بْنِ قَيْسٍ قَالَ سَمِعْتُ عَبْدَ اللَّهِ بْنَ بُسْرٍ يَقُولُجَاءَ أَعْرَابِيَّانِ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ أَحَدُهُمَا يَا رَسُولَ اللَّهِ أَيُّ النَّاسِ خَيْرٌ قَالَ مَنْ طَالَ عُمْرُهُ وَحَسُنَ عَمَلُهُ وَقَالَ الْآخَرُ يَا رَسُولَ اللَّهِ إِنَّ شَرَائِعَ الْإِسْلَامِ قَدْ كَثُرَتْ عَلَيَّ فَمُرْنِي بِأَمْرٍ أَتَثَبَّتُ بِهِ فَقَالَ لَا يَزَالُ لِسَانُكَ رَطْبًا بِذِكْرِ اللَّهِ عَزَّ وَجَلَّ
Amr ibn Qays aytdi: Men Abdulloh ibn Busrning shunday deganini eshitdim: Rasululloh ﷺ huzurlariga ikki aʼrobiy keldi. Ulardan biri: «Yo Rasululloh, odamlarning qaysi biri yaxshiroq?» dedi. U zot: «Umri uzun boʻlib, amali goʻzal boʻlgan kishi», dedilar. Boshqasi esa: «Yo Rasululloh, Islom shariatlari menga koʻpayib ketdi, menga oʻzim mahkam ushlaydigan bir ishni buyuring», dedi. U zot: «Tiling Alloh azza va jallaning zikri bilan hoʻl boʻlib tursin», dedilar.Амр ибн Қайс айтди: Мен Абдуллоҳ ибн Бусрнинг шундай деганини эшитдим: Расулуллоҳ ﷺ ҳузурларига икки аъробий келди. Улардан бири: «Ё Расулуллоҳ, одамларнинг қайси бири яхшироқ?» деди. У зот: «Умри узун бўлиб, амали гўзал бўлган киши», дедилар. Бошқаси эса: «Ё Расулуллоҳ, Ислом шариатлари менга кўпайиб кетди, менга ўзим маҳкам ушлайдиган бир ишни буюринг», деди. У зот: «Тилинг Аллоҳ азза ва жалланинг зикри билан ҳўл бўлиб турсин», дедилар.