Mustavrid ibn Shaddod (roziyallohu anhu) aytadi: Men Rasululloh ﷺning: «Allohga qasamki, dunyoning oxirat oldidagi misoli faqat bir kishi barmogʻini dengizga botirib, soʻng uni qaytarib olgani kabidir; bas, u undan nimani oldi?» deganlarini eshitdim. Mustavrid aytdi: Guvohlik beramanki, men Rasululloh ﷺ bilan birga boʻlgan karvonda edim; u zot bir qavm koʻchib ketgan manzil yonidan oʻtdilar, u yerda tashlab ketilgan oʻlik uloqcha bor edi. U zot: «Buni egalari tashlab yuborganlarida xor sanaganini koʻryapsizlarmi?» dedilar. Ular: «Uning ular nazdida xorligi sababli tashlab yuborishgan», dedilar. U zot: «Allohga qasamki, dunyo Alloh azza va jalla nazdida bunga egalarining nazdidagidan ham xorroqdir», dedilar.Муставрид ибн Шаддод (розияллоҳу анҳу) айтади: Мен Расулуллоҳ ﷺнинг: «Аллоҳга қасамки, дунёнинг охират олдидаги мисоли фақат бир киши бармоғини денгизга ботириб, сўнг уни қайтариб олгани кабидир; бас, у ундан нимани олди?» деганларини эшитдим. Муставрид айтди: Гувоҳлик бераманки, мен Расулуллоҳ ﷺ билан бирга бўлган карвонда эдим; у зот бир қавм кўчиб кетган манзил ёнидан ўтдилар, у ерда ташлаб кетилган ўлик улоқча бор эди. У зот: «Буни эгалари ташлаб юборганларида хор санаганини кўряпсизларми?» дедилар. Улар: «Унинг улар наздида хорлиги сабабли ташлаб юборишган», дедилар. У зот: «Аллоҳга қасамки, дунё Аллоҳ азза ва жалла наздида бунга эгаларининг наздидагидан ҳам хорроқдир», дедилар.