Nuʼmon ibn Bashir (roziyallohu anhu)dan rivoyat qilinadi. U aytdi: «Onam otamdan menga biror narsa hadya qilishini soʻradi, u esa uni menga hadya qildi. Shunda onam: ‹Rasululloh ﷺ ni guvoh qilmaguningcha rozi boʻlmayman›, dedi. Otam qoʻlimdan ushladi — men esa hali bola edim — va Rasululloh ﷺ huzurlariga kelib: ‹Ey Allohning Rasuli! Mana shu bolaning onasi Ravoha qizi mendan unga bir narsa hadya qilishimni talab qildi, men esa uni unga hadya qildim; u sizni bunga guvoh qilishimni istadi›, dedi. U zot: ‹Ey Bashir! Shundan boshqa oʻgʻling bormi?› dedilar. U: ‹Ha›, dedi. U zot: ‹Bunga berganingdek unga ham hadya qildingmi?› dedilar. U: ‹Yoʻq›, dedi. U zot: ‹Unday boʻlsa, meni guvoh qilma; chunki men zulmga guvoh boʻlmayman›, dedilar».Нуъмон ибн Башир (розияллоҳу анҳу)дан ривоят қилинади. У айтди: «Онам отамдан менга бирор нарса ҳадя қилишини сўради, у эса уни менга ҳадя қилди. Шунда онам: ‹Расулуллоҳ ﷺ ни гувоҳ қилмагунингча рози бўлмайман›, деди. Отам қўлимдан ушлади — мен эса ҳали бола эдим — ва Расулуллоҳ ﷺ ҳузурларига келиб: ‹Эй Аллоҳнинг Расули! Мана шу боланинг онаси Равоҳа қизи мендан унга бир нарса ҳадя қилишимни талаб қилди, мен эса уни унга ҳадя қилдим; у сизни бунга гувоҳ қилишимни истади›, деди. У зот: ‹Эй Башир! Шундан бошқа ўғлинг борми?› дедилар. У: ‹Ҳа›, деди. У зот: ‹Бунга берганингдек унга ҳам ҳадя қилдингми?› дедилар. У: ‹Йўқ›, деди. У зот: ‹Ундай бўлса, мени гувоҳ қилма; чунки мен зулмга гувоҳ бўлмайман›, дедилар».