Voil ibn Hujr (roziyallohu anhu)dan rivoyat qilinadi: Men Rasululloh ﷺ ning huzurida edim. Shunda u zotning oldilariga bir yer haqida nizolashayotgan ikki kishi keldi. Ulardan biri: «Bu (kishi) mening yerimga johiliyatda tajovuz qildi (bosib oldi), ey Allohning Rasuli» dedi — u Imruʼl-Qays ibn Obis al-Kindiy, raqibi esa Rabia ibn Ibdon edi. (Paygʻambar): «(Senda) bayyinang (bormi)?» dedilar. U: «Mening bayyinam yoʻq», dedi. (Paygʻambar): «(Unday boʻlsa) uning qasami (hal qiladi)», dedilar. U: «Unday boʻlsa, u uni olib ketadi-ku», dedi. (Paygʻambar): «Senga (faqat) shu (qoladi)», dedilar. (Rovi) dedi: U qasam ichgani turganda, Rasululloh ﷺ: «Kim zolim holda bir yerni (nohaq) oʻzlashtirib olsa, qiyomat kuni Allohga, U Zot oʻziga gʻazabnok holda yoʻliqadi», dedilar.Воил ибн Ҳужр (розияллоҳу анҳу)дан ривоят қилинади: Мен Расулуллоҳ ﷺ нинг ҳузурида эдим. Шунда у зотнинг олдиларига бир ер ҳақида низолашаётган икки киши келди. Улардан бири: «Бу (киши) менинг еримга жоҳилиятда тажовуз қилди (босиб олди), эй Аллоҳнинг Расули» деди — у Имруъл-Қайс ибн Обис ал-Киндий, рақиби эса Рабиа ибн Ибдон эди. (Пайғамбар): «(Сенда) баййинанг (борми)?» дедилар. У: «Менинг баййинам йўқ», деди. (Пайғамбар): «(Ундай бўлса) унинг қасами (ҳал қилади)», дедилар. У: «Ундай бўлса, у уни олиб кетади-ку», деди. (Пайғамбар): «Сенга (фақат) шу (қолади)», дедилар. (Рови) деди: У қасам ичгани турганда, Расулуллоҳ ﷺ: «Ким золим ҳолда бир ерни (ноҳақ) ўзлаштириб олса, қиёмат куни Аллоҳга, У Зот ўзига ғазабнок ҳолда йўлиқади», дедилар.