Ibn Abu Avfo (roziyallohu anhumo)dan rivoyat qilinadi: Bir kishi Nabiy ﷺ huzurlariga kelib: «Ey Allohning Rasuli, men Qurʼondan biror narsa (yodlab) ola olmayapman, menga oʻzimga yetarli boʻladigan narsani oʻrgating», dedi. U zot: «‹Subhanalloh, val hamdu lillah, va la ilaha illalloh, vallohu akbar, va la havla va la quvvata illa billah› ‹Alloh pokdir, hamd Allohgadir, Allohdan boshqa iloh yoʻq, Alloh eng buyukdir, kuch-quvvat faqat Alloh bilandir› deb ayt», dedilar. U: «Ey Allohning Rasuli, bu Alloh azza va jalla uchun boʻldi, menga nima (qoladi)?» dedi. U zot: «‹Allohummagʻfir lii varhamnii va ofinii vahdinii varzuqnii› ‹Ey Alloh, meni magʻfirat qil, menga rahm qil, menga ofiyat ber, meni hidoyat qil va menga rizq ber› deb ayt», dedilar. Soʻng u kaftlarini yumib orqasiga qaytdi. Shunda Nabiy ﷺ: «Bunisiga kelsak, u qoʻllarini yaxshilik bilan toʻldirib oldi», dedilar.Ибн Абу Авфо (розияллоҳу анҳумо)дан ривоят қилинади: Бир киши Набий ﷺ ҳузурларига келиб: «Эй Аллоҳнинг Расули, мен Қуръондан бирор нарса (ёдлаб) ола олмаяпман, менга ўзимга етарли бўладиган нарсани ўргатинг», деди. У зот: «‹Субҳаналлоҳ, вал ҳамду лиллаҳ, ва ла илаҳа иллаллоҳ, валлоҳу акбар, ва ла ҳавла ва ла қуввата илла биллаҳ› ‹Аллоҳ покдир, ҳамд Аллоҳгадир, Аллоҳдан бошқа илоҳ йўқ, Аллоҳ энг буюкдир, куч-қувват фақат Аллоҳ биландир› деб айт», дедилар. У: «Эй Аллоҳнинг Расули, бу Аллоҳ азза ва жалла учун бўлди, менга нима (қолади)?» деди. У зот: «‹Аллоҳуммағфир лии варҳамнии ва офинии ваҳдинии варзуқнии› ‹Эй Аллоҳ, мени мағфират қил, менга раҳм қил, менга офият бер, мени ҳидоят қил ва менга ризқ бер› деб айт», дедилар. Сўнг у кафтларини юмиб орқасига қайтди. Шунда Набий ﷺ: «Бунисига келсак, у қўлларини яхшилик билан тўлдириб олди», дедилар.