Abu Hayyon aytdi: Men Madinada bir shayxning hadis aytayotganini eshitdim: Abdulloh ibn Abu Avfo Ubaydullohga — u Haruriya bilan jang qilmoqchi boʻlganida — bir xat yozdi. Men uning kotibiga — u mening doʻstim edi — «Buni menga koʻchirib ber» dedim, u shunday qildi: Rasululloh ﷺ: «Dushman bilan uchrashishni orzu qilmanglar va Alloh azza va jalladan ofiyat soʻranglar. Ularga roʻpara kelsangiz, sabr qilinglar va bilinglarki, jannat qilichlarning soyalari ostidadir», der edilar. (Rovi) aytdi: U kutib turar, quyosh ogʻqanida dushmaniga qarab intilar, soʻng: «Allohumma munzilal-Kitob, va mujriyas-sahob, va hozimal-ahzob, ihzimhum vansurnaa alayhim» (Allohim, ey Kitobni nozil qilguvchi, bulutlarni harakatga keltiruvchi va guruhlarni tor-mor etguvchi! Ularni magʻlub qil va bizga ular ustidan gʻalaba ber) der edi.Абу Ҳайён айтди: Мен Мадинада бир шайхнинг ҳадис айтаётганини эшитдим: Абдуллоҳ ибн Абу Авфо Убайдуллоҳга — у Ҳарурия билан жанг қилмоқчи бўлганида — бир хат ёзди. Мен унинг котибига — у менинг дўстим эди — «Буни менга кўчириб бер» дедим, у шундай қилди: Расулуллоҳ ﷺ: «Душман билан учрашишни орзу қилманглар ва Аллоҳ азза ва жалладан офият сўранглар. Уларга рўпара келсангиз, сабр қилинглар ва билингларки, жаннат қиличларнинг соялари остидадир», дер эдилар. (Рови) айтди: У кутиб турар, қуёш оғқанида душманига қараб интилар, сўнг: «Аллоҳумма мунзилал-Китоб, ва мужрияс-саҳоб, ва ҳозимал-аҳзоб, иҳзимҳум вансурнаа алайҳим» (Аллоҳим, эй Китобни нозил қилгувчи, булутларни ҳаракатга келтирувчи ва гуруҳларни тор-мор этгувчи! Уларни мағлуб қил ва бизга улар устидан ғалаба бер) дер эди.