Urva ibn Abul-Jaʼd al-Boriqiy (roziyallohu anhu) aytdi: Nabiy ﷺga bozorga haydab kelingan mol roʻpara boʻldi. U zot menga bir dinor berib: «Ey Urva, molning oldiga borib, bizga bir qoʻy sotib ol», dedilar. Men molning oldiga borib, egasi bilan savdolashdim va undan bir dinorga ikkita qoʻy sotib oldim. Ikkovini haydab — yoki: yetaklab — kelayotgan edim, menga bir kishi roʻpara boʻlib, savdolashdi va men unga bir qoʻyni bir dinorga sotdim. Soʻng dinorni va qoʻyni olib kelib: «Ey Allohning Rasuli, mana bu dinoringiz, mana bu qoʻyingiz», dedim. U zot: «Qanday qilding?» dedilar. Men u zotga boʻlgan voqeani soʻzlab berdim. Shunda u zot: «Allohim, uning oʻng qoʻli savdosiga baraka bergin», dedilar. Men oʻzimni Kufa Kunosasida turgan holda koʻrar edim: ahlimga yetib borgunimcha qirq ming foyda qilardim. U choʻrilar sotib olib, sotar edi.Урва ибн Абул-Жаъд ал-Бориқий (розияллоҳу анҳу) айтди: Набий ﷺга бозорга ҳайдаб келинган мол рўпара бўлди. У зот менга бир динор бериб: «Эй Урва, молнинг олдига бориб, бизга бир қўй сотиб ол», дедилар. Мен молнинг олдига бориб, эгаси билан савдолашдим ва ундан бир динорга иккита қўй сотиб олдим. Икковини ҳайдаб — ёки: етаклаб — келаётган эдим, менга бир киши рўпара бўлиб, савдолашди ва мен унга бир қўйни бир динорга сотдим. Сўнг динорни ва қўйни олиб келиб: «Эй Аллоҳнинг Расули, мана бу динорингиз, мана бу қўйингиз», дедим. У зот: «Қандай қилдинг?» дедилар. Мен у зотга бўлган воқеани сўзлаб бердим. Шунда у зот: «Аллоҳим, унинг ўнг қўли савдосига барака бергин», дедилар. Мен ўзимни Куфа Куносасида турган ҳолда кўрар эдим: аҳлимга етиб боргунимча қирқ минг фойда қилардим. У чўрилар сотиб олиб, сотар эди.