حَدَّثَنَا رَوْحٌ حَدَّثَنَا عُثْمَانُ الشَّحَّامُ حَدَّثَنَا مُسْلِمُ بْنُ أَبِي بَكْرَةَ عَنْ أَبِيهِأَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ مَرَّ بِرَجُلٍ سَاجِدٍ وَهُوَ يَنْطَلِقُ إِلَى الصَّلَاةِ فَقَضَى الصَّلَاةَ وَرَجَعَ عَلَيْهِ وَهُوَ سَاجِدٌ فَقَامَ النَّبِيُّ صَلَّى اللَّهُ عَلَيْهِ وَسَلَّمَ فَقَالَ مَنْ يَقْتُلُ هَذَا فَقَامَ رَجُلٌ فَحَسَرَ عَنْ يَدَيْهِ فَاخْتَرَطَ سَيْفَهُ وَهَزَّهُ ثُمَّ قَالَ يَا نَبِيَّ اللَّهِ بِأَبِي أَنْتَ وَأُمِّي كَيْفَ أَقْتُلُ رَجُلًا سَاجِدًا يَشْهَدُ أَنْ لَا إِلَهَ إِلَّا اللَّهُ وَأَنَّ مُحَمَّدًا عَبْدُهُ وَرَسُولُهُ ثُمَّ قَالَ مَنْ يَقْتُلُ هَذَا فَقَامَ رَجُلٌ فَقَالَ أَنَا فَحَسَرَ عَنْ ذِرَاعَيْهِ وَاخْتَرَطَ سَيْفَهُ وَهَزَّهُ حَتَّى أَرْعَدَتْ يَدُهُ فَقَالَ يَا نَبِيَّ اللَّهِ كَيْفَ أَقْتُلُ رَجُلًا سَاجِدًا يَشْهَدُ أَنْ لَا إِلَهَ إِلَّا اللَّهُ وَأَنَّ مُحَمَّدًا عَبْدُهُ وَرَسُولُهُ فَقَالَ النَّبِيُّ صَلَّى اللَّهُ عَلَيْهِ وَسَلَّمَ وَالَّذِي نَفْسُ مُحَمَّدٍ بِيَدِهِ لَوْ قَتَلْتُمُوهُ لَكَانَ أَوَّلَ فِتْنَةٍ وَآخِرَهَا
Abu Bakra (roziyallohu anhu)dan rivoyat qilinadiki, Allohning Nabiysi ﷺ namozga borayotib, sajda qilib turgan bir kishining yonidan oʻtdilar. Namozni tugatib qaytganlarida ham u hamon sajdada edi. Shunda Nabiy ﷺ turib: «Kim buni oʻldiradi?» dedilar. Bir kishi turib, qoʻllarini shimardi, qilichini yalangʻochladi va uni silkitdi. Soʻng: «Ey Allohning Nabiysi, otam va onam sizga fido boʻlsin, ‹Allohdan oʻzga iloh yoʻq va Muhammad Uning bandasi va rasulidir›, deb guvohlik berayotgan, sajdada turgan kishini qanday oʻldiraman?» dedi. Soʻng u zot yana: «Kim buni oʻldiradi?» dedilar. Bir kishi turib: «Men», dedi va bilaklarini shimarib, qilichini yalangʻochladi va uni qoʻli titraguncha silkitdi. Soʻng: «Ey Allohning Nabiysi, ‹Allohdan oʻzga iloh yoʻq va Muhammad Uning bandasi va rasulidir›, deb guvohlik berayotgan, sajdada turgan kishini qanday oʻldiraman?» dedi. Shunda Nabiy ﷺ: «Muhammadning joni Qoʻlida boʻlgan Zotga qasamki, agar uni oʻldirganlaringizda, bu fitnaning avvali va oxiri boʻlar edi», dedilar.Абу Бакра (розияллоҳу анҳу)дан ривоят қилинадики, Аллоҳнинг Набийси ﷺ намозга бораётиб, сажда қилиб турган бир кишининг ёнидан ўтдилар. Намозни тугатиб қайтганларида ҳам у ҳамон саждада эди. Шунда Набий ﷺ туриб: «Ким буни ўлдиради?» дедилар. Бир киши туриб, қўлларини шимарди, қиличини яланғочлади ва уни силкитди. Сўнг: «Эй Аллоҳнинг Набийси, отам ва онам сизга фидо бўлсин, ‹Аллоҳдан ўзга илоҳ йўқ ва Муҳаммад Унинг бандаси ва расулидир›, деб гувоҳлик бераётган, саждада турган кишини қандай ўлдираман?» деди. Сўнг у зот яна: «Ким буни ўлдиради?» дедилар. Бир киши туриб: «Мен», деди ва билакларини шимариб, қиличини яланғочлади ва уни қўли титрагунча силкитди. Сўнг: «Эй Аллоҳнинг Набийси, ‹Аллоҳдан ўзга илоҳ йўқ ва Муҳаммад Унинг бандаси ва расулидир›, деб гувоҳлик бераётган, саждада турган кишини қандай ўлдираман?» деди. Шунда Набий ﷺ: «Муҳаммаднинг жони Қўлида бўлган Зотга қасамки, агар уни ўлдирганларингизда, бу фитнанинг аввали ва охири бўлар эди», дедилар.