Abu Bakra (roziyallohu anhu)dan rivoyat qilinadi: Rasululloh ﷺ namoz oʻqir edilar. Sajdaga borganlarida Hasan u zotning yelkalariga va boʻyinlariga sakrab chiqar, Rasululloh ﷺ esa u yiqilib tushmasligi uchun uni mayinlik bilan koʻtarib qoʻyar edilar. (Roviy) aytdi: Buni bir necha bor qildilar. Namozlarini tugatganlarida (sahobalar): «Ey Allohning Rasuli, sizni Hasanga shunday bir ish qilganingizni koʻrdikki, buni sizdan ilgari koʻrmagan edik», dedilar. U zot: «U — mening dunyodagi rayhonimdir. Bu oʻgʻlim esa sayyiddir, shoyad Alloh tabaraka va taolo u orqali musulmonlarning ikki guruhini yarashtirsa», dedilar.Абу Бакра (розияллоҳу анҳу)дан ривоят қилинади: Расулуллоҳ ﷺ намоз ўқир эдилар. Саждага борганларида Ҳасан у зотнинг елкаларига ва бўйинларига сакраб чиқар, Расулуллоҳ ﷺ эса у йиқилиб тушмаслиги учун уни майинлик билан кўтариб қўяр эдилар. (Ровий) айтди: Буни бир неча бор қилдилар. Намозларини тугатганларида (саҳобалар): «Эй Аллоҳнинг Расули, сизни Ҳасанга шундай бир иш қилганингизни кўрдикки, буни сиздан илгари кўрмаган эдик», дедилар. У зот: «У — менинг дунёдаги райҳонимдир. Бу ўғлим эса саййиддир, шояд Аллоҳ табарака ва таоло у орқали мусулмонларнинг икки гуруҳини яраштирса», дедилар.