Abu Asib (roziyallohu anhu) aytdi: Rasululloh ﷺ kechasi chiqdilar va yonimdan oʻtib, meni chaqirdilar; men chiqdim. Soʻng Abu Bakrning yonidan oʻtib, uni chaqirdilar, u ham u zotga (qoʻshilib) chiqdi. Keyin Umarning yonidan oʻtib, uni chaqirdilar, u ham chiqdi. Soʻng u zot yurib, ansorlardan birining bogʻiga kirdilar va bogʻ egasiga: «Bizga xurmo (busr) yedir», dedilar. U bir shingil olib kelib qoʻydi va yedi; Rasululloh ﷺ va sahobalari ham yedilar. Soʻng u zot sovuq suv soʻrab, ichdilar-da: «Qiyomat kuni albatta shundan soʻralasizlar», dedilar. (Roviy) aytdi: Shunda Umar shingilni olib, yerga urdi, xurmolar Rasululloh ﷺning oldilariga sochilib ketdi. Keyin: «Ey Allohning Rasuli, biz qiyomat kuni shundan soʻraluvchimizmi?» dedi. U zot: «Ha, uchtasidan boshqa: kishi avratini yopadigan latta, ochligini toʻsadigan bir burda (non) va issiq hamda sovuqdan (panoh topib) kiradigan uydan boshqa», dedilar.Абу Асиб (розияллоҳу анҳу) айтди: Расулуллоҳ ﷺ кечаси чиқдилар ва ёнимдан ўтиб, мени чақирдилар; мен чиқдим. Сўнг Абу Бакрнинг ёнидан ўтиб, уни чақирдилар, у ҳам у зотга (қўшилиб) чиқди. Кейин Умарнинг ёнидан ўтиб, уни чақирдилар, у ҳам чиқди. Сўнг у зот юриб, ансорлардан бирининг боғига кирдилар ва боғ эгасига: «Бизга хурмо (буср) едир», дедилар. У бир шингил олиб келиб қўйди ва еди; Расулуллоҳ ﷺ ва саҳобалари ҳам едилар. Сўнг у зот совуқ сув сўраб, ичдилар-да: «Қиёмат куни албатта шундан сўраласизлар», дедилар. (Ровий) айтди: Шунда Умар шингилни олиб, ерга урди, хурмолар Расулуллоҳ ﷺнинг олдиларига сочилиб кетди. Кейин: «Эй Аллоҳнинг Расули, биз қиёмат куни шундан сўралувчимизми?» деди. У зот: «Ҳа, учтасидан бошқа: киши авратини ёпадиган латта, очлигини тўсадиган бир бурда (нон) ва иссиқ ҳамда совуқдан (паноҳ топиб) кирадиган уйдан бошқа», дедилар.