Abu Zarr (roziyallohu anhu) aytdi: Ular: «Yo Rasululloh, boy-badavlatlar ajrlarni olib ketdilar: biz namoz oʻqiganimizday namoz oʻqiydilar, biz roʻza tutganimizday roʻza tutadilar va mol-mulklarining ortiqchasidan sadaqa qiladilar», dedilar. Shunda Rasululloh ﷺ: «Alloh sizlarga ham sadaqa qiladigan narsani qilib qoʻymadimi? Albatta, har bir tasbeh sadaqadir, har bir tahmid sadaqadir va birortangizning (ahli bilan) qoʻshilishida ham sadaqa bordir», dedilar. Ular: «Yo Rasululloh, birimiz oʻz shahvatini qondiradi-yu, unga bunda ajr boʻladimi?» dedilar. U zot: «Aytinglar-chi, agar uni haromga qoʻyganida, unga bunda gunoh boʻlmasmidi? Xuddi shuningdek, uni halolga qoʻysa, unga bunda ajr boʻladi», dedilar. Affon: «sadaqa qilasizlar», dedi va: «har bir tahlil va takbir sadaqadir, maʼrufga buyurish sadaqadir, munkardan qaytarish sadaqadir va (ahli bilan) qoʻshilishda ham (sadaqa bor)», dedi. Bizga Abun-Nazr rivoyat qildi: bizga Mahdiy rivoyat qildi — u Abul-Asvadni zikr qilmadi.Абу Зарр (розияллоҳу анҳу) айтди: Улар: «Ё Расулуллоҳ, бой-бадавлатлар ажрларни олиб кетдилар: биз намоз ўқиганимиздай намоз ўқийдилар, биз рўза тутганимиздай рўза тутадилар ва мол-мулкларининг ортиқчасидан садақа қиладилар», дедилар. Шунда Расулуллоҳ ﷺ: «Аллоҳ сизларга ҳам садақа қиладиган нарсани қилиб қўймадими? Албатта, ҳар бир тасбеҳ садақадир, ҳар бир таҳмид садақадир ва бирортангизнинг (аҳли билан) қўшилишида ҳам садақа бордир», дедилар. Улар: «Ё Расулуллоҳ, биримиз ўз шаҳватини қондиради-ю, унга бунда ажр бўладими?» дедилар. У зот: «Айтинглар-чи, агар уни ҳаромга қўйганида, унга бунда гуноҳ бўлмасмиди? Худди шунингдек, уни ҳалолга қўйса, унга бунда ажр бўлади», дедилар. Аффон: «садақа қиласизлар», деди ва: «ҳар бир таҳлил ва такбир садақадир, маъруфга буюриш садақадир, мункардан қайтариш садақадир ва (аҳли билан) қўшилишда ҳам (садақа бор)», деди. Бизга Абун-Назр ривоят қилди: бизга Маҳдий ривоят қилди — у Абул-Асвадни зикр қилмади.