Obil-Lahmning ozod qilgan quli Umayr (roziyallohu anhu) aytadi: Men xojalarim bilan birga hijrat qilish niyatida yoʻlga chiqdim, hatto Madinaga yaqinlashdik. Ular Madinaga kirib ketishdi, meni esa yuklari oldida qoldirishdi. Menga qattiq ochlik yetdi. Madinadan chiqib kelayotgan baʼzi kishilar yonimdan oʻtib: «Madinaga kirsang, bogʻlaridagi mevalardan yesang boʻlardi», dedilar. Shunda men bir bogʻga kirib, undan ikki shingil (xurmo) kesdim. Bogʻ egasi kelib, meni Rasululloh ﷺning huzurlariga olib bordi va u zotga mening xabarimni aytdi. Ustimda ikki kiyim bor edi. U zot menga: «Bularning qaysi biri yaxshiroq?» dedilar. Men u zotga bittasini koʻrsatdim. U zot: «Buni ol, bogʻ egasiga ikkinchisini ber», dedilar va meni qoʻyib yubordilar.Обил-Лаҳмнинг озод қилган қули Умайр (розияллоҳу анҳу) айтади: Мен хожаларим билан бирга ҳижрат қилиш ниятида йўлга чиқдим, ҳатто Мадинага яқинлашдик. Улар Мадинага кириб кетишди, мени эса юклари олдида қолдиришди. Менга қаттиқ очлик етди. Мадинадан чиқиб келаётган баъзи кишилар ёнимдан ўтиб: «Мадинага кирсанг, боғларидаги мевалардан есанг бўларди», дедилар. Шунда мен бир боғга кириб, ундан икки шингил (хурмо) кесдим. Боғ эгаси келиб, мени Расулуллоҳ ﷺнинг ҳузурларига олиб борди ва у зотга менинг хабаримни айтди. Устимда икки кийим бор эди. У зот менга: «Буларнинг қайси бири яхшироқ?» дедилар. Мен у зотга биттасини кўрсатдим. У зот: «Буни ол, боғ эгасига иккинчисини бер», дедилар ва мени қўйиб юбордилар.