Anas (roziyallohu anhu) aytdi: Biz Muozning huzuriga keldik va: «Bizga Rasululloh ﷺning noyob hadislaridan aytib bering», dedik. U aytdi: Men eshak ustida Nabiy ﷺning ortlarida mingashib oʻtirgan edim. Shunda u zot: «Ey Muoz!» dedilar. Men: «Labbay, ey Allohning Rasuli», dedim. U zot: «Allohning bandalar ustidagi haqqi nima ekanini bilasanmi?» dedilar. Men: «Alloh va Uning Rasuli bilguvchiroqdir», dedim. U zot: «Albatta, Allohning bandalar ustidagi haqqi — ular Unga ibodat qilishlari va Unga hech narsani sherik qilmasliklaridir. Bas, ular shuni qilsalar, bandalarning Alloh ustidagi haqqi nima ekanini bilasanmi?» dedilar. Men: «Alloh va Uning Rasuli bilguvchiroqdir», dedim. U zot: «Albatta, ular shuni qilsalar, bandalarning Alloh ustidagi haqqi — ularni azoblamasligidir», dedilar.Анас (розияллоҳу анҳу) айтди: Биз Муознинг ҳузурига келдик ва: «Бизга Расулуллоҳ ﷺнинг ноёб ҳадисларидан айтиб беринг», дедик. У айтди: Мен эшак устида Набий ﷺнинг ортларида мингашиб ўтирган эдим. Шунда у зот: «Эй Муоз!» дедилар. Мен: «Лаббай, эй Аллоҳнинг Расули», дедим. У зот: «Аллоҳнинг бандалар устидаги ҳаққи нима эканини биласанми?» дедилар. Мен: «Аллоҳ ва Унинг Расули билгувчироқдир», дедим. У зот: «Албатта, Аллоҳнинг бандалар устидаги ҳаққи — улар Унга ибодат қилишлари ва Унга ҳеч нарсани шерик қилмасликларидир. Бас, улар шуни қилсалар, бандаларнинг Аллоҳ устидаги ҳаққи нима эканини биласанми?» дедилар. Мен: «Аллоҳ ва Унинг Расули билгувчироқдир», дедим. У зот: «Албатта, улар шуни қилсалар, бандаларнинг Аллоҳ устидаги ҳаққи — уларни азобламаслигидир», дедилар.