Anas ibn Molik (roziyallohu anhu) aytadi: Biz Muoz ibn Jabalning huzuriga kelib: «Bizga Rasululloh ﷺning gʻaroyib hadislaridan aytib bering», dedik. U: «Xoʻp», dedi. Men u zotning ortlarida eshakda mingashib oʻtirgan edim. Shunda u zot: «Ey Muoz ibn Jabal!» dedilar. Men: «Labbay, ey Allohning Rasuli», dedim. U zot: «Allohning bandalar ustidagi haqqi nima ekanini bilasanmi?» dedilar. Men: «Alloh va Uning Rasuli bilguvchiroqdir», dedim. U zot: «Allohning bandalar ustidagi haqqi — ular Unga ibodat qilishlari va Unga hech narsani sherik qilmasliklaridir», dedilar. Soʻng: «Ey Muoz!» dedilar. Men: «Labbay, ey Allohning Rasuli», dedim. U zot: «Bandalar shuni qilsalar, ularning Alloh ustidagi haqqi nima ekanini bilasanmi?» dedilar. Men: «Alloh va Uning Rasuli bilguvchiroqdir», dedim. U zot: «Ularni azoblamasligidir», dedilar.Анас ибн Молик (розияллоҳу анҳу) айтади: Биз Муоз ибн Жабалнинг ҳузурига келиб: «Бизга Расулуллоҳ ﷺнинг ғаройиб ҳадисларидан айтиб беринг», дедик. У: «Хўп», деди. Мен у зотнинг ортларида эшакда мингашиб ўтирган эдим. Шунда у зот: «Эй Муоз ибн Жабал!» дедилар. Мен: «Лаббай, эй Аллоҳнинг Расули», дедим. У зот: «Аллоҳнинг бандалар устидаги ҳаққи нима эканини биласанми?» дедилар. Мен: «Аллоҳ ва Унинг Расули билгувчироқдир», дедим. У зот: «Аллоҳнинг бандалар устидаги ҳаққи — улар Унга ибодат қилишлари ва Унга ҳеч нарсани шерик қилмасликларидир», дедилар. Сўнг: «Эй Муоз!» дедилар. Мен: «Лаббай, эй Аллоҳнинг Расули», дедим. У зот: «Бандалар шуни қилсалар, уларнинг Аллоҳ устидаги ҳаққи нима эканини биласанми?» дедилар. Мен: «Аллоҳ ва Унинг Расули билгувчироқдир», дедим. У зот: «Уларни азобламаслигидир», дедилар.