Muoz ibn Jabal (roziyallohu anhu) aytadi: Men Nabiy ﷺning ortlarida mingashib oʻtirgan edim. Shunda u zot: «Alloh azza va jallaning bandalari ustidagi haqqi nima ekanini bilasanmi?» dedilar. Men: «Alloh va Uning Rasuli bilguvchiroqdir», dedim. U zot: «Unga ibodat qilishlari va Unga hech narsani sherik qilmasliklaridir», dedilar. Soʻng: «Bandalar shuni qilsalar, ularning Alloh ustidagi haqqi nima ekanini bilasanmi? — ularni magʻfirat qilishi va azoblamasligidir», dedilar. Maʼmar oʻz hadisida aytdi: Men: «Ey Allohning Rasuli, odamlarga xushxabar bermaymi?» dedim. U zot: «Ularni qoʻy, amal qilaversinlar», dedilar. Yana (boshqa yoʻl bilan) Muozdan shunga oʻxshash rivoyat qilinadi.Муоз ибн Жабал (розияллоҳу анҳу) айтади: Мен Набий ﷺнинг ортларида мингашиб ўтирган эдим. Шунда у зот: «Аллоҳ азза ва жалланинг бандалари устидаги ҳаққи нима эканини биласанми?» дедилар. Мен: «Аллоҳ ва Унинг Расули билгувчироқдир», дедим. У зот: «Унга ибодат қилишлари ва Унга ҳеч нарсани шерик қилмасликларидир», дедилар. Сўнг: «Бандалар шуни қилсалар, уларнинг Аллоҳ устидаги ҳаққи нима эканини биласанми? — уларни мағфират қилиши ва азобламаслигидир», дедилар. Маъмар ўз ҳадисида айтди: Мен: «Эй Аллоҳнинг Расули, одамларга хушхабар бермайми?» дедим. У зот: «Уларни қўй, амал қилаверсинлар», дедилар. Яна (бошқа йўл билан) Муоздан шунга ўхшаш ривоят қилинади.