Muoz ibn Jabal (roziyallohu anhu) aytdi: Men Rasululloh ﷺning shunday deganlarini eshitdim: «Sizlar Shomga hijrat qilasizlar, u sizlarga fath boʻladi va sizlarda chipqonga yoki (kuydiruvchi) yaraga oʻxshash bir dard paydo boʻladi, u kishining ich-qorni tomonidan oladi. Alloh u bilan ularning joniga shahidlik beradi va u bilan ularning amallarini poklaydi». (Soʻng Muoz dedi:) «Allohim, agar Muoz ibn Jabal buni Rasululloh ﷺdan eshitganini bilsang, unga va uning ahli baytiga undan eng toʻliq nasibani bergin». Soʻng ularni toun (vabo) tutdi va ulardan hech kim qolmadi. Uning oʻzi koʻrsatkich barmogʻidan (toun bilan) urildi va u: «Buning evaziga menga qizil tuyalar berilishi meni xursand qilmaydi», derdi.Муоз ибн Жабал (розияллоҳу анҳу) айтди: Мен Расулуллоҳ ﷺнинг шундай деганларини эшитдим: «Сизлар Шомга ҳижрат қиласизлар, у сизларга фатҳ бўлади ва сизларда чипқонга ёки (куйдирувчи) ярага ўхшаш бир дард пайдо бўлади, у кишининг ич-қорни томонидан олади. Аллоҳ у билан уларнинг жонига шаҳидлик беради ва у билан уларнинг амалларини поклайди». (Сўнг Муоз деди:) «Аллоҳим, агар Муоз ибн Жабал буни Расулуллоҳ ﷺдан эшитганини билсанг, унга ва унинг аҳли байтига ундан энг тўлиқ насибани бергин». Сўнг уларни тоун (вабо) тутди ва улардан ҳеч ким қолмади. Унинг ўзи кўрсаткич бармоғидан (тоун билан) урилди ва у: «Бунинг эвазига менга қизил туялар берилиши мени хурсанд қилмайди», дерди.