Abu Umoma (roziyallohu anhu)dan rivoyat qilinadi: Rasululloh ﷺ: «Albatta, Alloh azza va jalla menga ummatimdan yetmish ming kishini hisob-kitobsiz jannatga kiritishni vaʼda qildi», dedilar. Shunda Yazid ibn al-Axnas as-Sulamiy: «Allohga qasamki, ular sizning ummatingiz ichida pashshalar orasidagi bitta sargʻish pashshadekkina xolos», dedi. Rasululloh ﷺ: «Robbim azza va jalla menga yetmish mingni vaʼda qilgan edi; har ming bilan birga yana yetmish ming, ustiga menga uch hovuchni ham ziyoda qildi», dedilar. U: «Ey Allohning Nabiysi, hovuzingiz qanchalik keng?» dedi. U zot qoʻllari bilan ishora qilib: «Adan bilan Ummon orasidek, undan ham kengroq, undan ham kengroq», dedilar va: «Unda oltin va kumushdan ikkita nov bor», dedilar. U: «Ey Allohning Nabiysi, hovuzingiz (suvi) qanday?» dedi. U zot: «Sutdan oqroq, asaldan shirinroq, miskdan xushboʻyroq. Kim undan ichsa, undan keyin hech qachon chanqamaydi va yuzi hech qachon qoraymaydi», dedilar.Абу Умома (розияллоҳу анҳу)дан ривоят қилинади: Расулуллоҳ ﷺ: «Албатта, Аллоҳ азза ва жалла менга умматимдан етмиш минг кишини ҳисоб-китобсиз жаннатга киритишни ваъда қилди», дедилар. Шунда Язид ибн ал-Ахнас ас-Суламий: «Аллоҳга қасамки, улар сизнинг умматингиз ичида пашшалар орасидаги битта сарғиш пашшадеккина холос», деди. Расулуллоҳ ﷺ: «Роббим азза ва жалла менга етмиш мингни ваъда қилган эди; ҳар минг билан бирга яна етмиш минг, устига менга уч ҳовучни ҳам зиёда қилди», дедилар. У: «Эй Аллоҳнинг Набийси, ҳовузингиз қанчалик кенг?» деди. У зот қўллари билан ишора қилиб: «Адан билан Уммон орасидек, ундан ҳам кенгроқ, ундан ҳам кенгроқ», дедилар ва: «Унда олтин ва кумушдан иккита нов бор», дедилар. У: «Эй Аллоҳнинг Набийси, ҳовузингиз (суви) қандай?» деди. У зот: «Сутдан оқроқ, асалдан ширинроқ, мискдан хушбўйроқ. Ким ундан ичса, ундан кейин ҳеч қачон чанқамайди ва юзи ҳеч қачон қораймайди», дедилар.