Abu Qatoda (roziyallohu anhu)dan rivoyat qilinadiki, Rasululloh ﷺ tahorat qildilar, soʻng Harraning etagida, Suqyo uylari yonidagi Saʼdning yerida namoz oʻqidilar. Soʻng: «Allohumma, Ibrohim Sening xalilingdir, bandang va nabiyingdir; u Sendan Makka ahli uchun duo qildi. Men esa Muhammadman, Sening bandang, nabiying va rasulingman; Ibrohim Makka ahli uchun Sendan soʻragan narsaning misli bilan Madina ahli uchun Sendan soʻrayman: ularning soʼi va muddida hamda mevalarida baraka berishingni soʻraymiz. Allohumma, Makkani bizga sevimli qilganingdek, Madinani ham bizga sevimli qilgin; undagi vaboni Xummga (koʻchirgin). Allohumma, Sen Ibrohimning tili bilan Haramni harom qilganingdek, men ham uning ikki qoratoshligi orasini harom qildim», dedilar.Абу Қатода (розияллоҳу анҳу)дан ривоят қилинадики, Расулуллоҳ ﷺ таҳорат қилдилар, сўнг Ҳарранинг этагида, Суқё уйлари ёнидаги Саъднинг ерида намоз ўқидилар. Сўнг: «Аллоҳумма, Иброҳим Сенинг халилингдир, банданг ва набийингдир; у Сендан Макка аҳли учун дуо қилди. Мен эса Муҳаммадман, Сенинг банданг, набийинг ва расулингман; Иброҳим Макка аҳли учун Сендан сўраган нарсанинг мисли билан Мадина аҳли учун Сендан сўрайман: уларнинг сўи ва муддида ҳамда меваларида барака беришингни сўраймиз. Аллоҳумма, Маккани бизга севимли қилганингдек, Мадинани ҳам бизга севимли қилгин; ундаги вабони Хуммга (кўчиргин). Аллоҳумма, Сен Иброҳимнинг тили билан Ҳарамни ҳаром қилганингдек, мен ҳам унинг икки қоратошлиги орасини ҳаром қилдим», дедилар.