Sahl ibn Saʼd (roziyallohu anhu) aytdi: Rasululloh ﷺ: «Men hovuz ustida sizlardan oldin boruvchiman; kim mening oldimga kelsa, ichadi; kim ichsa, abadiy chanqamaydi. Mening oldimga men taniydigan va meni taniydigan qavmlar kelishini koʻrdim, soʻng men bilan ularning orasi toʻsiladi», dedilar. (Abu Hozim) aytdi: Nuʼmon ibn Abu Ayyosh buni men aytib berayotganimni eshitib qoldi va: «Guvohlik beramanki, Abu Saʼid al-Xudriy bunga (shuni) ziyoda qilar edi: ‹Men: Ular mening ummatimdan — yoki: mendan —, deyman. Shunda: Sen ulardan keyin nima ish qilganlarini — yoki: sendan keyin nimalarni oʻzgartirganlarini — bilmaysan, deyiladi. Men esa: Mendan keyin (dinni) oʻzgartirgan kimsaga yiroqlik boʻlsin, yiroqlik boʻlsin, deyman›», dedi.Саҳл ибн Саъд (розияллоҳу анҳу) айтди: Расулуллоҳ ﷺ: «Мен ҳовуз устида сизлардан олдин борувчиман; ким менинг олдимга келса, ичади; ким ичса, абадий чанқамайди. Менинг олдимга мен танийдиган ва мени танийдиган қавмлар келишини кўрдим, сўнг мен билан уларнинг ораси тўсилади», дедилар. (Абу Ҳозим) айтди: Нуъмон ибн Абу Айёш буни мен айтиб бераётганимни эшитиб қолди ва: «Гувоҳлик бераманки, Абу Саъид ал-Худрий бунга (шуни) зиёда қилар эди: ‹Мен: Улар менинг умматимдан — ёки: мендан —, дейман. Шунда: Сен улардан кейин нима иш қилганларини — ёки: сендан кейин нималарни ўзгартирганларини — билмайсан, дейилади. Мен эса: Мендан кейин (динни) ўзгартирган кимсага йироқлик бўлсин, йироқлик бўлсин, дейман›», деди.