Burayda (roziyallohu anhu) aytdi: Men Nabiy ﷺning huzurlarida oʻtirgan edim va u zotning shunday deyayotganlarini eshitdim: «Albatta, mening ummatimni yuzlari keng, koʻzlari kichik, yuzlari goʻyo qalqondek bir qavm haydaydi» — uch marta (shunday dedilar) — «toki ularni Arab yarim oroliga yetkazadilar. Birinchi hujumda ulardan qochgan najot topadi; ikkinchisida baʼzilari halok boʻlib, baʼzilari najot topadi; uchinchisida esa ulardan qolganlarning hammasi qirib tashlanadi». Ular: «Ey Allohning Nabiysi, ular kimlar?» dedilar. U zot: «Ular turklardir», dedilar va: «Ogoh boʻlinglar, jonim qoʻlida boʻlgan Zotga qasamki, ular otlarini musulmonlar masjidlarining ustunlariga bogʻlaydilar», dedilar. (Roviy) aytdi: Shundan keyin Burayda Nabiy ﷺdan turk amirlaridan boʻladigan balo haqida eshitgani sababli qochish uchun ikki yoki uchta tuyani, safar anjomlarini va meshlarni oʻzidan ajratmas edi.Бурайда (розияллоҳу анҳу) айтди: Мен Набий ﷺнинг ҳузурларида ўтирган эдим ва у зотнинг шундай деяётганларини эшитдим: «Албатта, менинг умматимни юзлари кенг, кўзлари кичик, юзлари гўё қалқондек бир қавм ҳайдайди» — уч марта (шундай дедилар) — «токи уларни Араб ярим оролига етказадилар. Биринчи ҳужумда улардан қочган нажот топади; иккинчисида баъзилари ҳалок бўлиб, баъзилари нажот топади; учинчисида эса улардан қолганларнинг ҳаммаси қириб ташланади». Улар: «Эй Аллоҳнинг Набийси, улар кимлар?» дедилар. У зот: «Улар турклардир», дедилар ва: «Огоҳ бўлинглар, жоним қўлида бўлган Зотга қасамки, улар отларини мусулмонлар масжидларининг устунларига боғлайдилар», дедилар. (Ровий) айтди: Шундан кейин Бурайда Набий ﷺдан турк амирларидан бўладиган бало ҳақида эшитгани сабабли қочиш учун икки ёки учта туяни, сафар анжомларини ва мешларни ўзидан ажратмас эди.