حَدَّثَنَا مُحَمَّدُ بْنُ عُبَيْدٍ حَدَّثَنَا صَالِحٌ يَعْنِي ابْنَ حَيَّانَ عَنِ ابْنِ بُرَيْدَةَ عَنْ أَبِيهِ أَنَّهُكَانَ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي اثْنَيْنِ وَأَرْبَعِينَ مِنْ أَصْحَابِهِ وَالنَّبِيُّ صَلَّى اللَّهُ عَلَيْهِ وَسَلَّمَ يُصَلِّي فِي الْمَقَامِ وَهُمْ خَلْفَهُ جُلُوسٌ يَنْتَظِرُونَهُ فَلَمَّا صَلَّى أَهْوَى فِيمَا بَيْنَهُ وَبَيْنَ الْكَعْبَةِ كَأَنَّهُ يُرِيدُ أَنْ يَأْخُذَ شَيْئًا ثُمَّ انْصَرَفَ إِلَى أَصْحَابِهِ فَثَارُوا وَأَشَارَ إِلَيْهِمْ بِيَدِهِ أَنْ اجْلِسُوا فَجَلَسُوا فَقَالَ رَأَيْتُمُونِي حِينَ فَرَغْتُ مِنْ صَلَاتِي أَهْوَيْتُ فِيمَا بَيْنِي وَبَيْنَ الْكَعْبَةِ كَأَنِّي أُرِيدُ أَنْ آخُذَ شَيْئًا قَالُوا نَعَمْ يَا رَسُولَ اللَّهِ قَالَ إِنَّ الْجَنَّةَ عُرِضَتْ عَلَيَّ فَلَمْ أَرَ مِثْلَ مَا فِيهَا وَإِنَّهَا مَرَّتْ بِي خَصْلَةٌ مِنْ عِنَبٍ فَأَعْجَبَتْنِي فَأَهْوَيْتُ إِلَيْهَا لِآخُذَهَا فَسَبَقَتْنِي وَلَوْ أَخَذْتُهَا لَغَرَسْتُهَا بَيْنَ ظَهْرَانِيكُمْ حَتَّى تَأْكُلُوا مِنْ فَاكِهَةِ الْجَنَّةِ وَاعْلَمُوا أَنَّ الْكَمْأَةَ دَوَاءُ الْعَيْنِ وَأَنَّ الْعَجْوَةَ مِنْ فَاكِهَةِ الْجَنَّةِ وَأَنَّ هَذِهِ الْحَبَّةَ السَّوْدَاءَ الَّتِي تَكُونُ فِي الْمِلْحِ اعْلَمُوا أَنَّهَا دَوَاءٌ مِنْ كُلِّ دَاءٍ إِلَّا الْمَوْتَ
Burayda (roziyallohu anhu)dan rivoyat qilinadi: U Rasululloh ﷺ bilan birga, sahobalaridan qirq ikki kishi orasida edi. Nabiy ﷺ Maqomda namoz oʻqir, ular esa ortlarida oʻtirib, u zotni kutar edilar. Namozni oʻqib boʻlgach, u zot oʻzlari bilan Kaʼba orasidagi tomonga goʻyo biror narsa olmoqchi boʻlgandek engashdilar, soʻng sahobalari tomon burildilar. Ular oʻrinlaridan turib ketishdi, u zot qoʻllari bilan: «Oʻtiringlar», deb ishora qildilar, ular oʻtirishdi. Soʻng: «Namozimni tugatganimda oʻzim bilan Kaʼba orasiga goʻyo biror narsa olmoqchi boʻlgandek engashganimni koʻrdingizmi?» dedilar. Ular: «Ha, ey Allohning Rasuli», deyishdi. U zot: «Menga jannat koʻrsatildi, undagi narsalarga oʻxshaganini koʻrmadim. Yonimdan bir shingil uzum oʻtdi, u menga yoqdi va uni olay deb engashgan edim, u mendan oʻzib ketdi. Agar uni olganimda, sizlar jannat mevasidan yeyishingiz uchun uni oralaringizga ekkan boʻlardim. Bilinglarki, qoʻziqorin koʻzning davosidir va ajva jannat mevalaridandir. Bilinglarki, tuz ichida boʻladigan mana bu qora dona — u oʻlimdan boʻlak har bir dardga davodir», dedilar.Бурайда (розияллоҳу анҳу)дан ривоят қилинади: У Расулуллоҳ ﷺ билан бирга, саҳобаларидан қирқ икки киши орасида эди. Набий ﷺ Мақомда намоз ўқир, улар эса ортларида ўтириб, у зотни кутар эдилар. Намозни ўқиб бўлгач, у зот ўзлари билан Каъба орасидаги томонга гўё бирор нарса олмоқчи бўлгандек энгашдилар, сўнг саҳобалари томон бурилдилар. Улар ўринларидан туриб кетишди, у зот қўллари билан: «Ўтиринглар», деб ишора қилдилар, улар ўтиришди. Сўнг: «Намозимни тугатганимда ўзим билан Каъба орасига гўё бирор нарса олмоқчи бўлгандек энгашганимни кўрдингизми?» дедилар. Улар: «Ҳа, эй Аллоҳнинг Расули», дейишди. У зот: «Менга жаннат кўрсатилди, ундаги нарсаларга ўхшаганини кўрмадим. Ёнимдан бир шингил узум ўтди, у менга ёқди ва уни олай деб энгашган эдим, у мендан ўзиб кетди. Агар уни олганимда, сизлар жаннат мевасидан ейишингиз учун уни ораларингизга эккан бўлардим. Билингларки, қўзиқорин кўзнинг давосидир ва ажва жаннат меваларидандир. Билингларки, туз ичида бўладиган мана бу қора дона — у ўлимдан бўлак ҳар бир дардга даводир», дедилар.