Huzayfa ibn Yamon (roziyallohu anhu)dan rivoyat qilinadi: Rasululloh ﷺ: «Albatta, men Dajjol bilan birga boʻlgan narsani Dajjolning oʻzidan koʻra yaxshiroq bilaman. Uning yonida oqib turuvchi ikki daryo boʻladi: biri koʻzga oppoq suv boʻlib koʻrinadi, ikkinchisi koʻzga lovullab yonayotgan oʻt boʻlib koʻrinadi. Bas, sizlardan kim unga yetishsa, oʻt deb koʻrgan daryosiga borsin va koʻzini yumib, boshini engashtirib, undan ichsin; chunki u sovuq suvdir. Dajjolning chap koʻzi oʻchgan boʻlib, uning ustida qalin parda boʻladi; ikki koʻzi orasiga ‹kofir› deb yozilgan boʻladi, uni har bir moʻmin — savodli ham, savodsiz ham — oʻqiydi», dedilar.Ҳузайфа ибн Ямон (розияллоҳу анҳу)дан ривоят қилинади: Расулуллоҳ ﷺ: «Албатта, мен Дажжол билан бирга бўлган нарсани Дажжолнинг ўзидан кўра яхшироқ биламан. Унинг ёнида оқиб турувчи икки дарё бўлади: бири кўзга оппоқ сув бўлиб кўринади, иккинчиси кўзга ловуллаб ёнаётган ўт бўлиб кўринади. Бас, сизлардан ким унга етишса, ўт деб кўрган дарёсига борсин ва кўзини юмиб, бошини энгаштириб, ундан ичсин; чунки у совуқ сувдир. Дажжолнинг чап кўзи ўчган бўлиб, унинг устида қалин парда бўлади; икки кўзи орасига ‹кофир› деб ёзилган бўлади, уни ҳар бир мўмин — саводли ҳам, саводсиз ҳам — ўқийди», дедилар.