حَدَّثَنَا يَعْقُوبُ حَدَّثَنَا أَبِي عَنِ ابْنِ إِسْحَاقَ حَدَّثَنِي عَاصِمُ بْنُ عُمَرَ بْنِ قَتَادَةَ الْأَنْصَارِيُّ عَنْ مَحْمُودِ بْنِ لَبِيدٍ عَنْ عَبْدِ اللَّهِ بْنِ عَبَّاسٍ قَالَ حَدَّثَنِي سَلْمَانُ الْفَارِسِيُّ حَدِيثَهُ مِنْ فِيهِ قَالَكُنْتُ رَجُلًا فَارِسِيًّا مِنْ أَهْلِ أَصْبَهَانَ مِنْ أَهْلِ قَرْيَةٍ مِنْهَا يُقَالُ لَهَا جَيٌّ وَكَانَ أَبِي دِهْقَانَ قَرْيَتِهِ وَكُنْتُ أَحَبَّ خَلْقِ اللَّهِ إِلَيْهِ فَلَمْ يَزَلْ بِهِ حُبُّهُ إِيَّايَ حَتَّى حَبَسَنِي فِي بَيْتِهِ أَيْ مُلَازِمَ النَّارِ كَمَا تُحْبَسُ الْجَارِيَةُ وَأَجْهَدْتُ فِي الْمَجُوسِيَّةِ حَتَّى كُنْتُ قَطَنَ النَّارِ الَّذِي يُوقِدُهَا لَا يَتْرُكُهَا تَخْبُو سَاعَةً قَالَ وَكَانَتْ لِأَبِي ضَيْعَةٌ عَظِيمَةٌ قَالَ فَشُغِلَ فِي بُنْيَانٍ لَهُ يَوْمًا فَقَالَ لِي يَا بُنَيَّ إِنِّي قَدْ شُغِلْتُ فِي بُنْيَانٍ هَذَا الْيَوْمَ عَنْ ضَيْعَتِي فَاذْهَبْ فَاطَّلِعْهَا وَأَمَرَنِي فِيهَا بِبَعْضِ مَا يُرِيدُ فَخَرَجْتُ أُرِيدُ ضَيْعَتَهُ فَمَرَرْتُ بِكَنِيسَةٍ مِنْ كَنَائِسِ النَّصَارَى فَسَمِعْتُ أَصْوَاتَهُمْ فِيهَا وَهُمْ يُصَلُّونَ وَكُنْتُ لَا أَدْرِي مَا أَمْرُ النَّاسِ لِحَبْسِ أَبِي إِيَّايَ فِي بَيْتِهِ فَلَمَّا مَرَرْتُ بِهِمْ وَسَمِعْتُ أَصْوَاتَهُمْ دَخَلْتُ عَلَيْهِمْ أَنْظُرُ مَا يَصْنَعُونَ قَالَ فَلَمَّا رَأَيْتُهُمْ أَعْجَبَنِي صَلَاتُهُمْ وَرَغِبْتُ فِي أَمْرِهِمْ وَقُلْتُ هَذَا وَاللَّهِ خَيْرٌ مِنْ الدِّينِ الَّذِي نَحْنُ عَلَيْهِ فَوَاللَّهِ مَا تَرَكْتُهُمْ حَتَّى غَرَبَتْ الشَّمْسُ وَتَرَكْتُ ضَيْعَةَ أَبِي وَلَمْ آتِهَا فَقُلْتُ لَهُمْ أَيْنَ أَصْلُ هَذَا الدِّينِ قَالُوا بِالشَّامِ قَالَ ثُمَّ رَجَعْتُ إِلَى أَبِي وَقَدْ بَعَثَ فِي طَلَبِي وَشَغَلْتُهُ عَنْ
Abdulloh ibn Abbos (roziyallohu anhu) aytdi: Menga Salmon Forsiy oʻz hadisini oʻz ogʻzidan soʻzlab berdi. U dedi: Men forslardan, Isfahon ahlidan, uning Jay deb ataladigan bir qishlogʻidan edim. Otam oʻz qishlogʻining dehqoni edi, men esa uning nazdida Allohning maxluqlari ichida eng suyuklisi edim. Uning menga boʻlgan muhabbati shu darajaga yetdiki, u meni qizni saqlagandek uyida — olov yonida saqlar edi. Men majusiylikda shunday jon kuydirdimki, olovni yoquvchi, uni bir soat ham oʻchishiga qoʻymaydigan qorovuli boʻlib qoldim. Otamning katta bir ekinzori bor edi. Bir kuni u oʻz binosini qurish bilan band boʻlib qolib, menga: «Ey oʻgʻilcham, men bugun mana shu bino bilan band boʻlib, ekinzorimdan qoldim. Bor, uni koʻrib kel», dedi va unda men bajarishim kerak boʻlgan baʼzi ishlarni buyurdi. Men otamning ekinzorini koʻzlab chiqdim va nasorolarning cherkovlaridan biriga duch keldim. Ularning ichkarida namoz oʻqiyotgan ovozlarini eshitdim. Otam meni uyida saqlagani sababli, men odamlarning ishi qanday ekanini bilmas edim. Ularning yonidan oʻtayotib ovozlarini eshitgach, nima qilayotganlarini koʻrish uchun ularning oldiga kirdim. Ularni koʻrganimda, namozlari menga yoqdi va ularning ishiga ragʻbat qildim hamda: «Allohga qasamki, bu biz turgan dindan yaxshiroq», dedim. Allohga qasamki, quyosh botgunicha ularni tark etmadim; otamning ekinzorini ham tashlab qoʻydim, u yerga bormadim. Men ularga: «Bu dinning asli qayerda?» dedim. Ular: «Shomda», dedilar. Soʻng men otamning oldiga qaytdim, u meni izlab (odam) yuborgan edi va men uni oʻz ishidan chalgʻitib qoʻygan edimАбдуллоҳ ибн Аббос (розияллоҳу анҳу) айтди: Менга Салмон Форсий ўз ҳадисини ўз оғзидан сўзлаб берди. У деди: Мен форслардан, Исфаҳон аҳлидан, унинг Жай деб аталадиган бир қишлоғидан эдим. Отам ўз қишлоғининг деҳқони эди, мен эса унинг наздида Аллоҳнинг махлуқлари ичида энг суюклиси эдим. Унинг менга бўлган муҳаббати шу даражага етдики, у мени қизни сақлагандек уйида — олов ёнида сақлар эди. Мен мажусийликда шундай жон куйдирдимки, оловни ёқувчи, уни бир соат ҳам ўчишига қўймайдиган қоровули бўлиб қолдим. Отамнинг катта бир экинзори бор эди. Бир куни у ўз биносини қуриш билан банд бўлиб қолиб, менга: «Эй ўғилчам, мен бугун мана шу бино билан банд бўлиб, экинзоримдан қолдим. Бор, уни кўриб кел», деди ва унда мен бажаришим керак бўлган баъзи ишларни буюрди. Мен отамнинг экинзорини кўзлаб чиқдим ва насороларнинг черковларидан бирига дуч келдим. Уларнинг ичкарида намоз ўқиётган овозларини эшитдим. Отам мени уйида сақлагани сабабли, мен одамларнинг иши қандай эканини билмас эдим. Уларнинг ёнидан ўтаётиб овозларини эшитгач, нима қилаётганларини кўриш учун уларнинг олдига кирдим. Уларни кўрганимда, намозлари менга ёқди ва уларнинг ишига рағбат қилдим ҳамда: «Аллоҳга қасамки, бу биз турган диндан яхшироқ», дедим. Аллоҳга қасамки, қуёш ботгунича уларни тарк этмадим; отамнинг экинзорини ҳам ташлаб қўйдим, у ерга бормадим. Мен уларга: «Бу диннинг асли қаерда?» дедим. Улар: «Шомда», дедилар. Сўнг мен отамнинг олдига қайтдим, у мени излаб (одам) юборган эди ва мен уни ўз ишидан чалғитиб қўйган эдим