Shurayh ibn Ubayddan rivoyat qilinadiki, Fazola ibn Ubayd al-Ansoriy (roziyallohu anhu) shunday der edi: Biz Nabiy ﷺ bilan birga Tabuk gʻazotini qildik. Ulovlar qattiq holdan toydi va (odamlar) Nabiy ﷺga ulovlaridagi holsizlikni shikoyat qilishdi. U zot ular uchun bir tor (dovon)ni poyladilar va Nabiy ﷺ unda yurib: «Bismillah deb oʻtinglar», dedilar. Odamlar ulovlari bilan undan oʻtdilar, u zot esa ularning ulovlariga puflab: «Allohumma, ularga Oʻz yoʻlingda yuk ortgin; albatta Sen kuchliga ham, kuchsizga ham, hoʻlga ham, quruqqa ham, quruqlikda ham, dengizda ham yuk ortasan», der edilar. (Fazola) aytdi: Biz Madinaga yetib bormasimizdan (ulovlar shu qadar tetiklashdiki) jilovlarini bizdan tortib olar edi. Fazola aytdi: Bu Nabiy ﷺning kuchli va kuchsiz haqidagi duolari edi; hoʻl va quruqqa nima boʻldi (bu nimani anglatar edi)? Shomga kelganimizda, dengizda Qubrus gʻazotini qildik. Dengizdagi kemalarni va ularga nimalar kirayotganini koʻrganimda, Nabiy ﷺning duolarini angladim.Шурайҳ ибн Убайддан ривоят қилинадики, Фазола ибн Убайд ал-Ансорий (розияллоҳу анҳу) шундай дер эди: Биз Набий ﷺ билан бирга Табук ғазотини қилдик. Уловлар қаттиқ ҳолдан тойди ва (одамлар) Набий ﷺга уловларидаги ҳолсизликни шикоят қилишди. У зот улар учун бир тор (довон)ни пойладилар ва Набий ﷺ унда юриб: «Бисмиллаҳ деб ўтинглар», дедилар. Одамлар уловлари билан ундан ўтдилар, у зот эса уларнинг уловларига пуфлаб: «Аллоҳумма, уларга Ўз йўлингда юк ортгин; албатта Сен кучлига ҳам, кучсизга ҳам, ҳўлга ҳам, қуруққа ҳам, қуруқликда ҳам, денгизда ҳам юк ортасан», дер эдилар. (Фазола) айтди: Биз Мадинага етиб бормасимиздан (уловлар шу қадар тетиклашдики) жиловларини биздан тортиб олар эди. Фазола айтди: Бу Набий ﷺнинг кучли ва кучсиз ҳақидаги дуолари эди; ҳўл ва қуруққа нима бўлди (бу нимани англатар эди)? Шомга келганимизда, денгизда Қубрус ғазотини қилдик. Денгиздаги кемаларни ва уларга нималар кираётганини кўрганимда, Набий ﷺнинг дуоларини англадим.