حَدَّثَنَا ابْنُ نُمَيْرٍ عَنْ هِشَامٍ قَالَ أَخْبَرَنِي أَبِي عَنْ عَائِشَةَ قَالَتْلَمَّا رَجَعَ رَسُولُ اللَّهِ صَلَّى اللَّهُ عَلَيْهِ وَسَلَّمَ مِنْ الْخَنْدَقِ وَوَضَعَ السِّلَاحَ وَاغْتَسَلَ فَأَتَاهُ جِبْرِيلُ عَلَيْهِ السَّلَام وَعَلَى رَأْسِهِ الْغُبَارُ قَالَ قَدْ وَضَعْتَ السِّلَاحَ فَوَاللَّهِ مَا وَضَعْتُهَا اخْرُجْ إِلَيْهِمْ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَأَيْنَ قَالَ هَاهُنَا فَأَشَارَ إِلَى بَنِي قُرَيْظَةَ فَخَرَجَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَيْهِمْ قَالَ هِشَامٌ فَأَخْبَرَنِي أَبِي أَنَّهُمْ نَزَلُوا عَلَى حُكْمِ رَسُولِ اللَّهِ صَلَّى اللَّهُ عَلَيْهِ وَسَلَّمَ فَرَدَّ الْحُكْمَ فِيهِمْ إِلَى سَعْدٍ قَالَ فَإِنِّي أَحْكُمُ أَنْ تُقَتَّلَ الْمُقَاتِلَةُ وَتُسْبَى النِّسَاءُ وَالذُّرِّيَّةُ وَتُقَسَّمَ أَمْوَالُهُمْ قَالَ هِشَامٌ قَالَ أَبِي فَأُخْبِرْتُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَقَدْ حَكَمْتَ فِيهِمْ بِحُكْمِ اللَّهِ عَزَّ وَجَلَّ
Oisha (roziyallohu anho)dan rivoyat qilinadi: Rasululloh ﷺ Xandaqdan qaytib, qurol-yarogʻni qoʻyib gʻusl qilganlarida, Jibril (alayhissalom) boshida chang bilan huzurlariga keldi va: «Sen qurolni qoʻyding? Allohga qasamki, biz uni qoʻymadik. Ularning ustiga chiq», dedi. Rasululloh ﷺ: «Qayerga?» dedilar. U: «Mana bu yerga», deb Banu Qurayza tomonga ishora qildi. Shunda Rasululloh ﷺ ularning ustiga chiqdilar. Hishom aytdi: Menga otam xabar berdiki, ular Rasululloh ﷺning hukmlariga boʻysunib taslim boʻlishdi. U zot ular haqidagi hukmni Saʼdga havola qildilar. U: «Men jangchilari oʻldirilishini, ayollari va bola-chaqalari asir olinishini, mol-mulklari taqsimlanishini hukm qilaman», dedi. Hishom aytdi: Otam aytdi: Menga xabar berildiki, Rasululloh ﷺ: «Sen ular haqida Alloh azza va jallaning hukmi bilan hukm qilding», dedilar.Оиша (розияллоҳу анҳо)дан ривоят қилинади: Расулуллоҳ ﷺ Хандақдан қайтиб, қурол-яроғни қўйиб ғусл қилганларида, Жибрил (алайҳиссалом) бошида чанг билан ҳузурларига келди ва: «Сен қуролни қўйдинг? Аллоҳга қасамки, биз уни қўймадик. Уларнинг устига чиқ», деди. Расулуллоҳ ﷺ: «Қаерга?» дедилар. У: «Мана бу ерга», деб Бану Қурайза томонга ишора қилди. Шунда Расулуллоҳ ﷺ уларнинг устига чиқдилар. Ҳишом айтди: Менга отам хабар бердики, улар Расулуллоҳ ﷺнинг ҳукмларига бўйсуниб таслим бўлишди. У зот улар ҳақидаги ҳукмни Саъдга ҳавола қилдилар. У: «Мен жангчилари ўлдирилишини, аёллари ва бола-чақалари асир олинишини, мол-мулклари тақсимланишини ҳукм қиламан», деди. Ҳишом айтди: Отам айтди: Менга хабар берилдики, Расулуллоҳ ﷺ: «Сен улар ҳақида Аллоҳ азза ва жалланинг ҳукми билан ҳукм қилдинг», дедилар.