Nabiy ﷺning zavjalari Oisha (roziyallohu anho)dan rivoyat qilinadi: Biz Rasululloh ﷺ bilan birga u zotning safarlaridan birida qaytayotgan edik. Turbon degan joyga yetganimizda — u bilan Madina orasi bir barid va bir necha mil boʻlib, u suvsiz joy edi — sahar paytida boʻynimdan marjonim uzilib tushdi. Rasululloh ﷺ uni qidirish uchun toʻxtab qoldilar, hatto tong otdi, qavmning esa suvi yoʻq edi. (Oisha) aytdi: Otamdan shunday tanbeh va norozilik eshitdimki, uni Alloh biladi. U: «Musulmonlarga har bir safarda sendan mashaqqat va balo (yetadi)», — dedi. (Oisha) aytdi: Shunda Alloh tayammum (bilan) ruxsatni nozil qildi. (Oisha) aytdi: Qavm tayammum qilib, namoz oʻqidi. (Oisha) aytdi: Musulmonlar uchun Allohdan ruxsat kelganida otam: «Allohga qasamki, ey qizginam, men sening barakotli ekaningni bilmagan ekanman. Sen ularni ushlab qolganingda Alloh musulmonlar uchun qanday baraka va yengillik (paydo) qildi!» — der edi.Набий ﷺнинг завжалари Оиша (розияллоҳу анҳо)дан ривоят қилинади: Биз Расулуллоҳ ﷺ билан бирга у зотнинг сафарларидан бирида қайтаётган эдик. Турбон деган жойга етганимизда — у билан Мадина ораси бир барид ва бир неча мил бўлиб, у сувсиз жой эди — саҳар пайтида бўйнимдан маржоним узилиб тушди. Расулуллоҳ ﷺ уни қидириш учун тўхтаб қолдилар, ҳатто тонг отди, қавмнинг эса суви йўқ эди. (Оиша) айтди: Отамдан шундай танбеҳ ва норозилик эшитдимки, уни Аллоҳ билади. У: «Мусулмонларга ҳар бир сафарда сендан машаққат ва бало (етади)», — деди. (Оиша) айтди: Шунда Аллоҳ таяммум (билан) рухсатни нозил қилди. (Оиша) айтди: Қавм таяммум қилиб, намоз ўқиди. (Оиша) айтди: Мусулмонлар учун Аллоҳдан рухсат келганида отам: «Аллоҳга қасамки, эй қизгинам, мен сенинг баракотли эканингни билмаган эканман. Сен уларни ушлаб қолганингда Аллоҳ мусулмонлар учун қандай барака ва енгиллик (пайдо) қилди!» — дер эди.