Yuhannasdan rivoyat qilinadiki, Hamza ibn Abdulmuttalib Madinaga kelganida Banu Najjordan boʻlgan Xavla binti Qays ibn Qahd al-Ansariyaga uylandi. (Roviy) aytdi: Rasululloh ﷺ Hamzani uning uyida ziyorat qilar edilar, u esa u zot ﷺdan hadislar rivoyat qilar edi. U aytdi: Bir kuni Rasululloh ﷺ bizning oldimizga keldilar. Men: «Ey Allohning Rasuli! Menga sizdan yetib kelishicha, siz qiyomat kuni sizning falondan falongacha (kenglikda) havzingiz boʻladi, deb aytar ekansiz», dedim. U zot: «Ha, va odamlarning menga eng suyuklisi undan qonib ichadigani sening qavmingdir», dedilar. U aytdi: Men u zotga ichida non yoki xarira boʻlgan bir qozonchani keltirdim. Rasululloh ﷺ yeyish uchun qoʻllarini qozonchaga soldilar va barmoqlari kuydi. Shunda u zot: «Hass!» — dedilar. Soʻng: «Odam bolasi — unga sovuq yetsa, ‹hass› deydi, issiq yetsa ham, ‹hass› deydi», dedilar.Юҳаннасдан ривоят қилинадики, Ҳамза ибн Абдулмутталиб Мадинага келганида Бану Нажжордан бўлган Хавла бинти Қайс ибн Қаҳд ал-Ансарияга уйланди. (Ровий) айтди: Расулуллоҳ ﷺ Ҳамзани унинг уйида зиёрат қилар эдилар, у эса у зот ﷺдан ҳадислар ривоят қилар эди. У айтди: Бир куни Расулуллоҳ ﷺ бизнинг олдимизга келдилар. Мен: «Эй Аллоҳнинг Расули! Менга сиздан етиб келишича, сиз қиёмат куни сизнинг фалондан фалонгача (кенгликда) ҳавзингиз бўлади, деб айтар экансиз», дедим. У зот: «Ҳа, ва одамларнинг менга энг суюклиси ундан қониб ичадигани сенинг қавмингдир», дедилар. У айтди: Мен у зотга ичида нон ёки харира бўлган бир қозончани келтирдим. Расулуллоҳ ﷺ ейиш учун қўлларини қозончага солдилар ва бармоқлари куйди. Шунда у зот: «Ҳасс!» — дедилар. Сўнг: «Одам боласи — унга совуқ етса, ‹ҳасс› дейди, иссиқ етса ҳам, ‹ҳасс› дейди», дедилар.