حَدَّثَنَا إِسْمَاعِيلُ، قَالَ حَدَّثَنِي مَالِكُ بْنُ أَنَسٍ، عَنْ عَمِّهِ أَبِي سُهَيْلِ بْنِ مَالِكٍ، عَنْ أَبِيهِ، أَنَّهُ سَمِعَ طَلْحَةَ بْنَ عُبَيْدِ اللَّهِ، يَقُولُ جَاءَ رَجُلٌ إِلَى رَسُولِ اللَّهِ صلى الله عليه وسلم مِنْ أَهْلِ نَجْدٍ، ثَائِرُ الرَّأْسِ، يُسْمَعُ دَوِيُّ صَوْتِهِ، وَلاَ يُفْقَهُ مَا يَقُولُ حَتَّى دَنَا، فَإِذَا هُوَ يَسْأَلُ عَنِ الإِسْلاَمِ فَقَالَ رَسُولُ اللَّهِ ـ صلى الله عليه وسلم " خَمْسُ صَلَوَاتٍ فِي الْيَوْمِ وَاللَّيْلَةِ ". فَقَالَ هَلْ عَلَىَّ غَيْرُهَا قَالَ " لاَ، إِلاَّ أَنْ تَطَوَّعَ ". قَالَ رَسُولُ اللَّهِ صلى الله عليه وسلم " وَصِيَامُ رَمَضَانَ ". قَالَ هَلْ عَلَىَّ غَيْرُهُ قَالَ " لاَ، إِلاَّ أَنْ تَطَوَّعَ ". قَالَ وَذَكَرَ لَهُ رَسُولُ اللَّهِ صلى الله عليه وسلم الزَّكَاةَ. قَالَ هَلْ عَلَىَّ غَيْرُهَا قَالَ " لاَ، إِلاَّ أَنْ تَطَوَّعَ ". قَالَ فَأَدْبَرَ الرَّجُلُ وَهُوَ يَقُولُ وَاللَّهِ لاَ أَزِيدُ عَلَى هَذَا وَلاَ أَنْقُصُ. قَالَ رَسُولُ اللَّهِ صلى الله عليه وسلم " أَفْلَحَ إِنْ صَدَقَ ".
Talha ibn Ubaydulloh (roziyallohu anhu)dan rivoyat qilinadi: Najddan sochlari toʻzgʻigan bir kishi Rasululloh ﷺ ning oldiga keldi. Biz uning baland ovozini eshitardik-u, lekin nima deyayotganini tushunmasdik; nihoyat u yaqinlashganida, Islom haqida soʻrayotganini bildik. Rasululloh ﷺ: «Kechayu kunduz (sutkada) besh vaqt namozni (toʻkis) ado etishing (lozim)», — dedilar. U kishi: «Bundan boshqa (namoz) bormi?» — dedi. U zot: «Yoʻq, faqat nafl oʻqimoqchi boʻlsang (mayli)», — dedilar. Soʻng Rasululloh ﷺ: «Ramazon oyida roʻza tutishing (lozim)», — dedilar. U: «Bundan boshqa roʻza bormi?» — dedi. U zot: «Yoʻq, faqat nafl tutmoqchi boʻlsang (mayli)», — dedilar. Soʻng Rasululloh ﷺ: «Zakot berishing (lozim)», — dedilar. U: «Bundan boshqa berishim kerak boʻlgan narsa bormi?» — dedi. U zot: «Yoʻq, faqat oʻzing (nafl) sadaqa bermoqchi boʻlsang (mayli)», — dedilar. Soʻng u kishi: «Allohga qasamki, men bundan na kam, na ortiq qilaman», — deb (orqasiga) qaytdi. Rasululloh ﷺ: «Agar aytgani rost boʻlsa, u najot topadi (jannatga kiradi)», — dedilar.Талҳа ибн Убайдуллоҳ (розияллоҳу анҳу)дан ривоят қилинади: Нажддан сочлари тўзғиган бир киши Расулуллоҳ ﷺ нинг олдига келди. Биз унинг баланд овозини эшитардик-у, лекин нима деяётганини тушунмасдик; ниҳоят у яқинлашганида, Ислом ҳақида сўраётганини билдик. Расулуллоҳ ﷺ: «Кечаю кундуз (суткада) беш вақт намозни (тўкис) адо этишинг (лозим)», — дедилар. У киши: «Бундан бошқа (намоз) борми?» — деди. У зот: «Йўқ, фақат нафл ўқимоқчи бўлсанг (майли)», — дедилар. Сўнг Расулуллоҳ ﷺ: «Рамазон ойида рўза тутишинг (лозим)», — дедилар. У: «Бундан бошқа рўза борми?» — деди. У зот: «Йўқ, фақат нафл тутмоқчи бўлсанг (майли)», — дедилар. Сўнг Расулуллоҳ ﷺ: «Закот беришинг (лозим)», — дедилар. У: «Бундан бошқа беришим керак бўлган нарса борми?» — деди. У зот: «Йўқ, фақат ўзинг (нафл) садақа бермоқчи бўлсанг (майли)», — дедилар. Сўнг у киши: «Аллоҳга қасамки, мен бундан на кам, на ортиқ қиламан», — деб (орқасига) қайтди. Расулуллоҳ ﷺ: «Агар айтгани рост бўлса, у нажот топади (жаннатга киради)», — дедилар.