Ibn Abbos (roziyallohu anhumo)dan rivoyat qilinadi: Abdulqays qabilasining vakillari Paygʻambar ﷺ ga kelib: «Yo Rasululloh, biz Rabiʼa qabilasidanmiz va biz bilan siz orasida Muzar (qabilasi)ning kofirlari (turibdi); shuning uchun biz sizning oldingizga — faqat harom (taqiqlangan) oylardagina kela olamiz. Bizga — biz amal qiladigan va ortimizda qoldirgan qavmimizni ham unga daʼvat qiladigan — bir (ish)ni buyuring», — dedi. Paygʻambar ﷺ: «Men sizlarni toʻrt narsaga buyuraman va toʻrt narsadan qaytaraman: (men sizlarni) Allohga iymon keltirishga — va Allohdan boshqa haq maʼbud yoʻq, deb eʼtirof qilishga (buyuraman)» — u zot qoʻllari bilan shunday (yaʼni bir tugun) ishora qildilar — «namozni mukammal oʻqishga, zakotni berishga va oʻljaning beshdan birini (Alloh yoʻlida) berishga (buyuraman). Va men sizlarni dubbo, hantam, naqir va muzaffat (yaʼni — ichkilik tayyorlanadigan idishlar)dan qaytaraman», — dedilar.Ибн Аббос (розияллоҳу анҳумо)дан ривоят қилинади: Абдулқайс қабиласининг вакиллари Пайғамбар ﷺ га келиб: «Ё Расулуллоҳ, биз Рабиъа қабиласиданмиз ва биз билан сиз орасида Музар (қабиласи)нинг кофирлари (турибди); шунинг учун биз сизнинг олдингизга — фақат ҳаром (тақиқланган) ойлардагина кела оламиз. Бизга — биз амал қиладиган ва ортимизда қолдирган қавмимизни ҳам унга даъват қиладиган — бир (иш)ни буюринг», — деди. Пайғамбар ﷺ: «Мен сизларни тўрт нарсага буюраман ва тўрт нарсадан қайтараман: (мен сизларни) Аллоҳга иймон келтиришга — ва Аллоҳдан бошқа ҳақ маъбуд йўқ, деб эътироф қилишга (буюраман)» — у зот қўллари билан шундай (яъни бир тугун) ишора қилдилар — «намозни мукаммал ўқишга, закотни беришга ва ўлжанинг бешдан бирини (Аллоҳ йўлида) беришга (буюраман). Ва мен сизларни дуббо, ҳантам, нақир ва музаффат (яъни — ичкилик тайёрланадиган идишлар)дан қайтараман», — дедилар.