حَدَّثَنَا عَيَّاشٌ، حَدَّثَنَا عَبْدُ الأَعْلَى، حَدَّثَنَا الْجُرَيْرِيُّ، عَنْ أَبِي الْعَلاَءِ، عَنِ الأَحْنَفِ بْنِ قَيْسٍ، قَالَ جَلَسْتُ. وَحَدَّثَنِي إِسْحَاقُ بْنُ مَنْصُورٍ، أَخْبَرَنَا عَبْدُ الصَّمَدِ، قَالَ حَدَّثَنِي أَبِي، حَدَّثَنَا الْجُرَيْرِيُّ، حَدَّثَنَا أَبُو الْعَلاَءِ بْنُ الشِّخِّيرِ، أَنَّ الأَحْنَفَ بْنَ قَيْسٍ، حَدَّثَهُمْ قَالَ جَلَسْتُ إِلَى مَلإٍ مِنْ قُرَيْشٍ، فَجَاءَ رَجُلٌ خَشِنُ الشَّعَرِ وَالثِّيَابِ وَالْهَيْئَةِ حَتَّى قَامَ عَلَيْهِمْ فَسَلَّمَ ثُمَّ قَالَ بَشِّرِ الْكَانِزِينَ بِرَضْفٍ يُحْمَى عَلَيْهِ فِي نَارِ جَهَنَّمَ، ثُمَّ يُوضَعُ عَلَى حَلَمَةِ ثَدْىِ أَحَدِهِمْ حَتَّى يَخْرُجَ مِنْ نُغْضِ كَتِفِهِ، وَيُوضَعُ عَلَى نُغْضِ كَتِفِهِ حَتَّى يَخْرُجَ مِنْ حَلَمَةِ ثَدْيِهِ يَتَزَلْزَلُ، ثُمَّ وَلَّى فَجَلَسَ إِلَى سَارِيَةٍ، وَتَبِعْتُهُ وَجَلَسْتُ إِلَيْهِ، وَأَنَا لاَ أَدْرِي مَنْ هُوَ فَقُلْتُ لَهُ لاَ أُرَى الْقَوْمَ إِلاَّ قَدْ كَرِهُوا الَّذِي قُلْتَ. قَالَ إِنَّهُمْ لاَ يَعْقِلُونَ شَيْئًا. قَالَ لِي خَلِيلِي ـ قَالَ قُلْتُ مَنْ خَلِيلُكَ قَالَ النَّبِيُّ صلى الله عليه وسلم ـ " يَا أَبَا ذَرٍّ أَتُبْصِرُ أُحُدًا ". قَالَ فَنَظَرْتُ إِلَى الشَّمْسِ مَا بَقِيَ مِنَ النَّهَارِ وَأَنَا أُرَى أَنَّ رَسُولَ اللَّهِ صلى الله عليه وسلم يُرْسِلُنِي فِي حَاجَةٍ لَهُ، قُلْتُ نَعَمْ. قَالَ " مَا أُحِبُّ أَنَّ لِي مِثْلَ أُحُدٍ ذَهَبًا أُنْفِقُهُ كُلَّهُ إِلاَّ ثَلاَثَةَ دَنَانِيرَ ". وَإِنَّ هَؤُلاَءِ لاَ يَعْقِلُونَ، إِنَّمَا يَجْمَعُونَ الدُّنْيَا. لاَ وَاللَّهِ لاَ أَسْأَلُهُمْ دُنْيَا، وَلاَ أَسْتَفْتِيهِمْ عَنْ دِينٍ حَتَّى أَلْقَى اللَّهَ.
Ahnaf ibn Qays (Abu Zardan) rivoyat qiladi: Men Qurayshdan baʼzi odamlar bilan oʻtirgan paytimda, soch-soqoli, kiyimi va koʻrinishi juda gʻadir-budur (qoʻpol) bir kishi kelib, oldimizda turdi, bizga salom berdi va: «Mol-dunyoni toʻplab-yashiruvchilarga — doʻzax oʻtida bir tosh qizdirilib, uning koʻksining emchaklariga qoʻyilishini — to u yelka suyaklaridan chiqib ketguncha — soʻng yelka suyaklariga qoʻyilishini — to u koʻkraklaridan chiqib ketguncha — (xabar) bering — (bu) tosh harakatlanib, urib turar», — dedi. Buni aytgach, u kishi orqaga chekindi va ustun yonida oʻtirdi. Men uning ortidan borib, yonida oʻtirdim va men uning kim ekanini bilmas edim. Men unga: «Menimcha, odamlar sen aytgan narsani yoqtirmadi», — dedim. U: «Bu odamlar hech narsani tushunmaydi; holbuki mening doʻstim menga (shunday) degan edi», — dedi. Men: «Sening doʻsting kim?» — dedim. U: «Paygʻambar ﷺ (menga): ‹Ey Abu Zar, Uhud togʻini koʻryapsanmi?› — dedilar. Shunda men — Rasululloh ﷺ meni biror ishga joʻnatmoqchi, deb oʻylab — kun (qancha) qolganini bilish uchun quyoshga qarab: ‹Ha!› — dedim. U zot: ‹Men — uni (Uhud togʻidek oltinni) butunlay (Alloh yoʻlida) sarflamaguncha — uch dinordan boshqa, oʻshancha (Uhud togʻichalik) oltinga ega boʻlishni yoqtirmayman. Bu odamlar (buni) tushunmaydi va dunyo molini toʻplaydi. Yoʻq, Allohga qasamki, men — to Aziz va Jalil boʻlgan Allohga yoʻliqgunimcha — ulardan na dunyo (manfaati) soʻrayman, na ularning diniy nasihatiga muhtoj(man)›, — dedilar», — dedi.Аҳнаф ибн Қайс (Абу Зардан) ривоят қилади: Мен Қурайшдан баъзи одамлар билан ўтирган пайтимда, соч-соқоли, кийими ва кўриниши жуда ғадир-будур (қўпол) бир киши келиб, олдимизда турди, бизга салом берди ва: «Мол-дунёни тўплаб-яширувчиларга — дўзах ўтида бир тош қиздирилиб, унинг кўксининг эмчакларига қўйилишини — то у елка суякларидан чиқиб кетгунча — сўнг елка суякларига қўйилишини — то у кўкракларидан чиқиб кетгунча — (хабар) беринг — (бу) тош ҳаракатланиб, уриб турар», — деди. Буни айтгач, у киши орқага чекинди ва устун ёнида ўтирди. Мен унинг ортидан бориб, ёнида ўтирдим ва мен унинг ким эканини билмас эдим. Мен унга: «Менимча, одамлар сен айтган нарсани ёқтирмади», — дедим. У: «Бу одамлар ҳеч нарсани тушунмайди; ҳолбуки менинг дўстим менга (шундай) деган эди», — деди. Мен: «Сенинг дўстинг ким?» — дедим. У: «Пайғамбар ﷺ (менга): ‹Эй Абу Зар, Уҳуд тоғини кўряпсанми?› — дедилар. Шунда мен — Расулуллоҳ ﷺ мени бирор ишга жўнатмоқчи, деб ўйлаб — кун (қанча) қолганини билиш учун қуёшга қараб: ‹Ҳа!› — дедим. У зот: ‹Мен — уни (Уҳуд тоғидек олтинни) бутунлай (Аллоҳ йўлида) сарфламагунча — уч динордан бошқа, ўшанча (Уҳуд тоғичалик) олтинга эга бўлишни ёқтирмайман. Бу одамлар (буни) тушунмайди ва дунё молини тўплайди. Йўқ, Аллоҳга қасамки, мен — то Азиз ва Жалил бўлган Аллоҳга йўлиқгунимча — улардан на дунё (манфаати) сўрайман, на уларнинг диний насиҳатига муҳтож(ман)›, — дедилар», — деди.