حَدَّثَنَا عَبْدُ اللَّهِ بْنُ مُحَمَّدٍ، حَدَّثَنَا أَبُو عَاصِمٍ النَّبِيلُ، أَخْبَرَنَا سَعْدَانُ بْنُ بِشْرٍ، حَدَّثَنَا أَبُو مُجَاهِدٍ، حَدَّثَنَا مُحِلُّ بْنُ خَلِيفَةَ الطَّائِيُّ، قَالَ سَمِعْتُ عَدِيَّ بْنَ حَاتِمٍ ـ رضى الله عنه ـ يَقُولُ كُنْتُ عِنْدَ رَسُولِ اللَّهِ صلى الله عليه وسلم فَجَاءَهُ رَجُلاَنِ أَحَدُهُمَا يَشْكُو الْعَيْلَةَ، وَالآخَرُ يَشْكُو قَطْعَ السَّبِيلِ، فَقَالَ رَسُولُ اللَّهِ صلى الله عليه وسلم " أَمَّا قَطْعُ السَّبِيلِ فَإِنَّهُ لاَ يَأْتِي عَلَيْكَ إِلاَّ قَلِيلٌ حَتَّى تَخْرُجَ الْعِيرُ إِلَى مَكَّةَ بِغَيْرِ خَفِيرٍ، وَأَمَّا الْعَيْلَةُ فَإِنَّ السَّاعَةَ لاَ تَقُومُ حَتَّى يَطُوفَ أَحَدُكُمْ بِصَدَقَتِهِ لاَ يَجِدُ مَنْ يَقْبَلُهَا مِنْهُ، ثُمَّ لَيَقِفَنَّ أَحَدُكُمْ بَيْنَ يَدَىِ اللَّهِ لَيْسَ بَيْنَهُ وَبَيْنَهُ حِجَابٌ وَلاَ تُرْجُمَانٌ يُتَرْجِمُ لَهُ، ثُمَّ لَيَقُولَنَّ لَهُ أَلَمْ أُوتِكَ مَالاً فَلَيَقُولَنَّ بَلَى. ثُمَّ لَيَقُولَنَّ أَلَمْ أُرْسِلْ إِلَيْكَ رَسُولاً فَلَيَقُولَنَّ بَلَى. فَيَنْظُرُ عَنْ يَمِينِهِ فَلاَ يَرَى إِلاَّ النَّارَ، ثُمَّ يَنْظُرُ عَنْ شِمَالِهِ فَلاَ يَرَى إِلاَّ النَّارَ، فَلْيَتَّقِيَنَّ أَحَدُكُمُ النَّارَ وَلَوْ بِشِقِّ تَمْرَةٍ، فَإِنْ لَمْ يَجِدْ فَبِكَلِمَةٍ طَيِّبَةٍ ".
Adiy ibn Hotim (roziyallohu anhu)dan rivoyat qilinadi: Men Rasululloh ﷺ bilan oʻtirgan paytimda, u zotning oldilariga ikki kishi keldi; ulardan biri oʻz kambagʻalligidan shikoyat qildi, boshqasi esa qaroqchilikning (yoʻltoʻsarlik)ning koʻpayganidan shikoyat qildi. Rasululloh ﷺ: «Oʻgʻirlik va qaroqchilikka kelsa — yaqinda shunday vaqt keladiki, (oʻshanda) bir karvon Makkaga — hech qanday qoʻriqchisiz — boradi. Kambagʻallikka kelsa — Soat (Qiyomat) — to sizlardan biri oʻz sadaqasi bilan (yurar-)yurib, uni qabul qiladigan hech kimni topmaguncha — qoyim boʻlmaydi. Va (shubhasiz,) har biringiz Alloh oldida turadi va u bilan Alloh orasida na parda, na tarjimon boʻladi; Alloh undan: ‹Men senga mol-dunyo bermaganmidim?› — deb soʻraydi. U ‹ha› (deb javob beradi). Alloh yana: ‹Men senga paygʻambar (Rasul) joʻnatmaganmidim?› — deydi va u yana ‹ha› (deb javob beradi). Soʻng u oʻng tomoniga qaraydi va doʻzax oʻtidan boshqa hech narsani koʻrmaydi; soʻng chap tomoniga qaraydi va doʻzax oʻtidan boshqa hech narsani koʻrmaydi. Bas, har biringiz — yarim xurmo bilan boʻlsa ham — oʻzini oʻtdan saqlasin; agar yarim xurmoni ham topa olmasa, (u holda) yaxshi-yoqimli soʻz bilan (boʻlsa ham, oʻzini saqlasin)», — dedilar.Адий ибн Ҳотим (розияллоҳу анҳу)дан ривоят қилинади: Мен Расулуллоҳ ﷺ билан ўтирган пайтимда, у зотнинг олдиларига икки киши келди; улардан бири ўз камбағаллигидан шикоят қилди, бошқаси эса қароқчиликнинг (йўлтўсарлик)нинг кўпайганидан шикоят қилди. Расулуллоҳ ﷺ: «Ўғирлик ва қароқчиликка келса — яқинда шундай вақт келадики, (ўшанда) бир карвон Маккага — ҳеч қандай қўриқчисиз — боради. Камбағалликка келса — Соат (Қиёмат) — то сизлардан бири ўз садақаси билан (юрар-)юриб, уни қабул қиладиган ҳеч кимни топмагунча — қойим бўлмайди. Ва (шубҳасиз,) ҳар бирингиз Аллоҳ олдида туради ва у билан Аллоҳ орасида на парда, на таржимон бўлади; Аллоҳ ундан: ‹Мен сенга мол-дунё бермаганмидим?› — деб сўрайди. У ‹ҳа› (деб жавоб беради). Аллоҳ яна: ‹Мен сенга пайғамбар (Расул) жўнатмаганмидим?› — дейди ва у яна ‹ҳа› (деб жавоб беради). Сўнг у ўнг томонига қарайди ва дўзах ўтидан бошқа ҳеч нарсани кўрмайди; сўнг чап томонига қарайди ва дўзах ўтидан бошқа ҳеч нарсани кўрмайди. Бас, ҳар бирингиз — ярим хурмо билан бўлса ҳам — ўзини ўтдан сақласин; агар ярим хурмони ҳам топа олмаса, (у ҳолда) яхши-ёқимли сўз билан (бўлса ҳам, ўзини сақласин)», — дедилар.