Abu Bakra (roziyallohu anhu)dan rivoyat qilinadi (oʻgʻli Abdurrahmon rivoyat qilib): Bir kuni Paygʻambar ﷺ tuyalarini minib ketayotganlarida, bir kishi uning jilovini ushlab turgan edi. Paygʻambar ﷺ: «Bugun qaysi kun?» — dedilar. Biz, u zot bu kunga boshqa nom berarmikinlar, deb jim turdik. U zot: «Bu Nahr (qurbonlik) kuni emasmi?» — dedilar. Biz: «Ha», — dedik. U zot: «Bu qaysi oy?» — dedilar. Biz yana jim turdik. Soʻng u zot: «Bu Zulhijja (oyi) emasmi?» — dedilar. Biz: «Ha», — dedik. U zot: «Albatta, qonlaringiz, mol-mulkingiz va obroʻyingiz bir-biringizga shu shahringizdagi, shu oyingizdagi, shu kuningizning hurmati kabi muqaddasdir. Hozir borlar yoʻqlarga (bu soʻzlarni) yetkazsinlar; chunki (gohida) yetkazilgan kishi eshitgandan koʻra (uni) yaxshiroq anglashi mumkin», — dedilar.Абу Бакра (розияллоҳу анҳу)дан ривоят қилинади (ўғли Абдурраҳмон ривоят қилиб): Бир куни Пайғамбар ﷺ туяларини миниб кетаётганларида, бир киши унинг жиловини ушлаб турган эди. Пайғамбар ﷺ: «Бугун қайси кун?» — дедилар. Биз, у зот бу кунга бошқа ном берармикинлар, деб жим турдик. У зот: «Бу Наҳр (қурбонлик) куни эмасми?» — дедилар. Биз: «Ҳа», — дедик. У зот: «Бу қайси ой?» — дедилар. Биз яна жим турдик. Сўнг у зот: «Бу Зулҳижжа (ойи) эмасми?» — дедилар. Биз: «Ҳа», — дедик. У зот: «Албатта, қонларингиз, мол-мулкингиз ва обрўйингиз бир-бирингизга шу шаҳрингиздаги, шу ойингиздаги, шу кунингизнинг ҳурмати каби муқаддасдир. Ҳозир борлар йўқларга (бу сўзларни) етказсинлар; чунки (гоҳида) етказилган киши эшитгандан кўра (уни) яхшироқ англаши мумкин», — дедилар.