حَدَّثَنَا أَبُو الْيَمَانِ، حَدَّثَنَا شُعَيْبٌ، عَنِ الزُّهْرِيِّ، قَالَ أَخْبَرَنِي سَعِيدُ بْنُ الْمُسَيَّبِ، وَأَبُو سَلَمَةَ بْنُ عَبْدِ الرَّحْمَنِ أَنَّ أَبَا هُرَيْرَةَ ـ رضى الله عنه ـ قَالَ إِنَّكُمْ تَقُولُونَ إِنَّ أَبَا هُرَيْرَةَ يُكْثِرُ الْحَدِيثَ عَنْ رَسُولِ اللَّهِ صلى الله عليه وسلم. وَتَقُولُونَ مَا بَالُ الْمُهَاجِرِينَ وَالأَنْصَارِ لاَ يُحَدِّثُونَ عَنْ رَسُولِ اللَّهِ صلى الله عليه وسلم بِمِثْلِ حَدِيثِ أَبِي هُرَيْرَةَ وَإِنَّ إِخْوَتِي مِنَ الْمُهَاجِرِينَ كَانَ يَشْغَلُهُمْ صَفْقٌ بِالأَسْوَاقِ، وَكُنْتُ أَلْزَمُ رَسُولَ اللَّهِ صلى الله عليه وسلم عَلَى مِلْءِ بَطْنِي، فَأَشْهَدُ إِذَا غَابُوا وَأَحْفَظُ إِذَا نَسُوا، وَكَانَ يَشْغَلُ إِخْوَتِي مِنَ الأَنْصَارِ عَمَلُ أَمْوَالِهِمْ، وَكُنْتُ امْرَأً مِسْكِينًا مِنْ مَسَاكِينِ الصُّفَّةِ أَعِي حِينَ يَنْسَوْنَ، وَقَدْ قَالَ رَسُولُ اللَّهِ صلى الله عليه وسلم فِي حَدِيثٍ يُحَدِّثُهُ " إِنَّهُ لَنْ يَبْسُطَ أَحَدٌ ثَوْبَهُ حَتَّى أَقْضِيَ مَقَالَتِي هَذِهِ، ثُمَّ يَجْمَعَ إِلَيْهِ ثَوْبَهُ إِلاَّ وَعَى مَا أَقُولُ ". فَبَسَطْتُ نَمِرَةً عَلَىَّ، حَتَّى إِذَا قَضَى رَسُولُ اللَّهِ صلى الله عليه وسلم مَقَالَتَهُ جَمَعْتُهَا إِلَى صَدْرِي، فَمَا نَسِيتُ مِنْ مَقَالَةِ رَسُولِ اللَّهِ صلى الله عليه وسلم تِلْكَ مِنْ شَىْءٍ.
Abu Hurayra (roziyallohu anhu)dan rivoyat qilinadi: Sizlar — ‹Abu Hurayra Allohning Rasuli ﷺ dan koʻp hadis rivoyat qiladi›, deysizlar va — ‹nega muhojirlar hamda ansorlar Allohning Rasuli ﷺ dan Abu Hurayradek (koʻp) rivoyat qilmaydi?›, deb ajablanasizlar. Mening muhojir birodarlarim bozorda (savdo bilan) band boʻlar edi; men esa — qornimni toʻydiradigan (narsaga) qanoat qilib — Allohning Rasuli ﷺ dan ajramas edim; bas, ular yoʻq paytda men hozir boʻlar va ular unutganda men yodda saqlar edim. Mening ansoriy birodarlarim oʻz mol-mulklari bilan band boʻlar edi; men esa Suffa ahlining kambagʻallaridan biri edim. Ular unutganda men (hadislarni) yodda saqlar edim. Darhaqiqat, Allohning Rasuli ﷺ bir marta: «Kim men hozirgi soʻzimni tugatguncha oʻz kiyimini yozsa, soʻng uni oʻziga (koʻksiga) yigʻib olsa, men aytgan (har) narsani yodda saqlaydi», — dedilar. Bas, men — Allohning Rasuli ﷺ oʻz soʻzini tugatguncha — oʻstimdagi rangli kiyimni yozdim, soʻng uni koʻksimga yigʻdim. Shunday qilib, men oʻsha rivoyatlardan birortasini (ham) unutmadim.Абу Ҳурайра (розияллоҳу анҳу)дан ривоят қилинади: Сизлар — ‹Абу Ҳурайра Аллоҳнинг Расули ﷺ дан кўп ҳадис ривоят қилади›, дейсизлар ва — ‹нега муҳожирлар ҳамда ансорлар Аллоҳнинг Расули ﷺ дан Абу Ҳурайрадек (кўп) ривоят қилмайди?›, деб ажабланасизлар. Менинг муҳожир биродарларим бозорда (савдо билан) банд бўлар эди; мен эса — қорнимни тўйдирадиган (нарсага) қаноат қилиб — Аллоҳнинг Расули ﷺ дан ажрамас эдим; бас, улар йўқ пайтда мен ҳозир бўлар ва улар унутганда мен ёдда сақлар эдим. Менинг ансорий биродарларим ўз мол-мулклари билан банд бўлар эди; мен эса Суффа аҳлининг камбағалларидан бири эдим. Улар унутганда мен (ҳадисларни) ёдда сақлар эдим. Дарҳақиқат, Аллоҳнинг Расули ﷺ бир марта: «Ким мен ҳозирги сўзимни тугатгунча ўз кийимини ёзса, сўнг уни ўзига (кўксига) йиғиб олса, мен айтган (ҳар) нарсани ёдда сақлайди», — дедилар. Бас, мен — Аллоҳнинг Расули ﷺ ўз сўзини тугатгунча — ўстимдаги рангли кийимни ёздим, сўнг уни кўксимга йиғдим. Шундай қилиб, мен ўша ривоятлардан бирортасини (ҳам) унутмадим.