Adiy ibn Hotim (roziyallohu anhu)dan rivoyat qilinadi: Men Allohning Rasuli ﷺ dan Mirod (yaʼni ov uchun ishlatiladigan oʻtkir qirrali yogʻoch yoki uchiga temir oʻrnatilgan yogʻoch) haqida soʻradim. U zot: «Agar ov uning oʻtkir (qirrasi) bilan urilsa, uni ye; agar uning yon (keng) tomoni bilan urilsa, uni yema — chunki u (urib) oʻldirilgan (boʻladi)», — dedilar. Men: «Yo Rasululloh, men itimni Allohning nomini aytib (ovga) qoʻyib yuboraman va ov yonida — men Allohning nomini aytmagan — boshqa bir itni topaman hamda ovni qaysisi tutganini bilmayman», — dedim. Allohning Rasuli ﷺ (unga): «Uni yema — chunki sen Allohning nomini oʻz iting (ustida) aytding, boshqa it (ustida) aytmading», — dedilar.Адий ибн Ҳотим (розияллоҳу анҳу)дан ривоят қилинади: Мен Аллоҳнинг Расули ﷺ дан Мирод (яъни ов учун ишлатиладиган ўткир қиррали ёғоч ёки учига темир ўрнатилган ёғоч) ҳақида сўрадим. У зот: «Агар ов унинг ўткир (қирраси) билан урилса, уни е; агар унинг ён (кенг) томони билан урилса, уни ема — чунки у (уриб) ўлдирилган (бўлади)», — дедилар. Мен: «Ё Расулуллоҳ, мен итимни Аллоҳнинг номини айтиб (овга) қўйиб юбораман ва ов ёнида — мен Аллоҳнинг номини айтмаган — бошқа бир итни топаман ҳамда овни қайсиси тутганини билмайман», — дедим. Аллоҳнинг Расули ﷺ (унга): «Уни ема — чунки сен Аллоҳнинг номини ўз итинг (устида) айтдинг, бошқа ит (устида) айтмадинг», — дедилар.