Abu Hurayra (roziyallohu anhu)dan rivoyat qilinadi: Paygʻambar ﷺ: «Farishtalar — baʼzilari kechasi, baʼzilari kunduzi — navbatma-navbat osmondan tushib, osmonga koʻtarilib turadi va ularning hammasi bomdod hamda asr namozlari vaqtida birga (yigʻilib) toʻplanadi. Soʻng tunni sizlar bilan oʻtkazganlar Allohga koʻtariladi va U — ulardan koʻra javobni yaxshiroq bilsa-da — ulardan: ‹Mening bandalarimni qanday (holatda) qoldirdingiz?› — deb soʻraydi. Ular: ‹Biz ularni — namoz oʻqiyotgan holatda topgan edik va namoz oʻqiyotgan holatda qoldirdik›, — deb javob beradi. Agar sizlardan biringiz (namozda, Fotiha qiroati oxirida) ‹Omin› desa va osmondagi farishtalar (ham) shu (Omin)ni aytsa hamda bu ikki aytish (bir vaqtga) toʻgʻri kelsa, uning barcha oʻtgan gunohlari magʻfirat qilinadi», — dedi.Абу Ҳурайра (розияллоҳу анҳу)дан ривоят қилинади: Пайғамбар ﷺ: «Фаришталар — баъзилари кечаси, баъзилари кундузи — навбатма-навбат осмондан тушиб, осмонга кўтарилиб туради ва уларнинг ҳаммаси бомдод ҳамда аср намозлари вақтида бирга (йиғилиб) тўпланади. Сўнг тунни сизлар билан ўтказганлар Аллоҳга кўтарилади ва У — улардан кўра жавобни яхшироқ билса-да — улардан: ‹Менинг бандаларимни қандай (ҳолатда) қолдирдингиз?› — деб сўрайди. Улар: ‹Биз уларни — намоз ўқиётган ҳолатда топган эдик ва намоз ўқиётган ҳолатда қолдирдик›, — деб жавоб беради. Агар сизлардан бирингиз (намозда, Фотиҳа қироати охирида) ‹Омин› деса ва осмондаги фаришталар (ҳам) шу (Омин)ни айца ҳамда бу икки айтиш (бир вақтга) тўғри келса, унинг барча ўтган гуноҳлари мағфират қилинади», — деди.